އޮޅުންބޮޅުން ގިނަ ކެރެކްޓާތަކަކާ އެކު ހެއްވާ މަޖާ ހާދިސާތަކެއް ދައްކުވައިދޭ ސާޖިދު ހާންގެ "ހަމްޝަކަލްސް" ޖޫން 20 ގައި ރިލީޒް ކުރާ ގޮތަށް ހަމަޖައްސައި، ފިލްމުގެ ފުރަތަމަ ޓްރެއިލާ ލޯންޗްކޮށްފި އެވެ.
މިއީ ކާމިޔާބް ފުރެންޗައިޒް "ހައުސްފުލް" ގެ ޑައިރެކްޓަރު ސާޖިދުގެ އެންމެ ފަހުގެ ފިލްމް އަދި ފްލޮޕް ބޯޑް އަޅުވަން ޖެހުނު "ހިއްމަތުވާލާ" އަށް ފަހު އޭނާ ގެނެސްދޭ ފުރަތަމަ ފިލްމެވެ.
"ހަމްޝަކަލްސް" ގެ ލީޑް ރޯލުން ފެނިގެން ދާނީ ސައިފް އަލީ ހާން، ރިތޭޝް ދޭޝްމުކް، ރާމް ކަޕޫރު، ބިޕާޝާ ބާސޫ، އީޝާ ގުޕްތާ އަދި ތަމަންނާ ބާޝިއާ އެވެ.
މި ފިލްމުގައި ސައިފާއި ރިތޭޝް އަދި ރާމް މިއިން ކޮންމެ ތަރިއެއްގެ ތަފާތު ތިން ކެރެކްޓާއެެއް ފެނިގެން ދާނެ އެވެ.
ހިމޭޝް ރޭޝަމިއާ މިއުޒިކް ތައްޔާރުކޮށް ދީފައިވާ "ހަމްޝަކަލްސް"ގެ ގިނަ މަންޒަރުތައް ނަގާފައި ވަނީ އިނގިރޭސިވިލާތުގަ އެވެ.
މި ފިލްމް ޕްރޮޑިއުސްކޮށްފައި ވަނީ ފޮކްސް ސްޓާ ސްޓޫޑިއޯ އާއި ޕޫޖާ އެންޓަޓައިންމަންޓުންނެވެ.