ވޯލްޑް ކަޕްގެ ގްރޫޕް އެފްގައި މިރޭ ބެލްޖިއަމް އަތުން މޮޅުވި މެޗުގައި މޮރޮކޯގެ ކުޅުންތެރިން އުފަލުން ސަޖިދަ އަށް ދިޔަ ފޮޓޯ އަށް ގިނަ ބައެއްގެ ސަމާލުކަން ލިބިއްޖެ އެވެ.
ޔޫރަޕްގެ ނަން މަޝްހޫރު ގިނަ ކުޅުންތެރިންތަކެއް ހިމެނޭ ބެލްޖިއަމްގެ މައްޗަށް މޮރޮކޯ އިން މިރޭ ކުރި ހޯދީ 2-0 އިންނެވެ. މި މެޗުގައި ފެނިގެންދިޔަ ދެ ގޯލް ވެސް މޮރޮކޯ އިން ކާމިޔާބުކުރީ ދެވަނަ ހާފްގަ އެވެ.
Sujood ash-Shukr from team Morocco. Well done Morocco. pic.twitter.com/SgMa1ig2v0
— Hasu – حسن (@hasanih1) November 27, 2022
މޮރޮކޯ އިން މި މެޗުގައި ކާމިޔާބުކުރި ދެ ގޯލަށްފަހު ވެސް އުފަލުން ސަޖިދަ އަށް ދިޔައިރު މެޗަށްފަހު ވެސް އެޓީމުގެ ހުރިހާ ކުޅުންތެރިން ވަނީ ސަޖިދަ އަށް ގޮސްފަ އެވެ. މޮރޮކޯ ކުޅުންތެރިން ސަޖިދަ އަށް ދިޔަ މަންޒަރު އެތައް ކެމެރާއަކަށް އަރާފައިވާއިރު މިއަދުގެ އެންމެ ރީތި ފޮޓޯއަކީ ވެސް މިއީ ކަމަށް ގިނަ ބަޔަކު އަންނަނީ ބުނަމުންނެވެ.
މިއީ 1998 ވަނަ އަހަރަށްފަހު މޮރޮކޯ އިން ވޯލްޑް ކަޕްގައި ހޯދި ފުރަތަމަ މޮޅު ކަމަށްވާއިރު މިއީ 1994 ވަނަ އަހަރަށްފަހު ވޯލްޑް ކަޕްގެ ގްރޫޕް ސްޓޭޖު މެޗަކުން ބެލްޖިއަމް ބަލިވި ފުރަތަމަ ފަހަރެވެ.
Sujood Is the best Way To Thanks Almighty Allah ❤️ What a win by Morocco 🇲🇦 #MashaAllah 🙏 pic.twitter.com/8V5F7cTAQP
— Bilal Kiani 🇵🇰 🇦🇪 (@Baba_g_write) November 27, 2022
މި މޮޅާއެކު މޮރޮކޯ މިހާރު އޮތީ ހަތަރު ޕޮއިންޓާ އެކު ގްރޫޕް އެފްގެ އެއްވަނައިގަ އެވެ. ދެވަނައިގައި ތިން ޕޮއިންޓާ އެކު ބެލްޖިއަމް އޮތްއިރު ތިންވަނައިގައި އެއް ޕޮއިންޓާ އެކު އޮތީ ކްރޮއޭޝިއާ އެވެ. މި ގްރޫޕްގެ ފުލުގައި ޕޮއިންޓެއް ނުލިބި އޮތީ ކެނެޑާ އެވެ. މި ގްރޫޕްގައި މިރޭ ކެނެޑާ އާއި ކްރޮއޭޝިއާ ބައްދަލުކުރާނެ އެވެ.
މި މޮޅާއެކު ދެވަނަ ބުރަށް ދިޔުމުގެ ފުރުސަތު މޮރޮކޯ އަށް މިހާރު ހުޅުވިފައިވާއިރު ގްރޫޕްގެ ފަހު މެޗުގައި އެޓީމު ނިކުންނާނީ ކެނެޑާއާ ދެކޮޅަށެވެ. އަދި ބެލްޖިއަމް ބައްދަލުކުރާނީ ކްރޮއޭޝިއާއާ އެވެ.