އިންޑިއާގެ އެންމެ ވަރުގަދަ ފިލްމީ އާއިލާ ކަޕޫރު ހާންދާނުން އަނެއްކާ ވެސް އާ ތަރިއަކު ބޮލީވުޑަށް ނިކުންނަން ތައްޔާރުވެއްޖެ އެެވެ.
މި ފަހަރުގެ ތަރިއަކީ ބޮލީވުޑްގެ އެންމެ ނުފޫޒު ގަދަ ތަރިންގެ ތެރޭގައި ހިމެނޭ ކަރީނާ ކަޕޫރާއި ރަންބީރު ކަޕޫރުގެ ދެބޭންގެ ދެ ދަރި ކޮއްކޮއެއް ކަމަށްވާ އަރްމާން ޖެއިން އެވެ.
އަރްމާނަކީ ކަރީނާ އާއި ރަންބީރުގެ ކާފަ ރާޖް ކަޕޫރުގެ ހަމައެކަނި އަންހެން ދަރިފުޅު ރީމާ ޖެއިންގެ ދަރިއެކެވެ.
އަރްމާން ބޮލީވުޑަށް ތައާރަފްވާ ފިލްމަކީ ޅިޔަނު ސައިފް އަލީ ހާންގެ އިލޫމިނަތީ އާއި އިރޯސް އިންޓަނެޝަނަލް އިން ޕްރޮޑިއުސް ކުރާ "ލޭކަރު ހަމް ދީވާނާ ދިލް" އެވެ.
މި ފިލްމް ޑައިރެކްޓްކޮށްފައި ވަނީ ކަރީނާ ހިމަނައިގެން "ޖަބް ވީ މެޓް" އާއި ރަންބީރު ހިމަނައިގެން "ރޮކްސްޓާ" ޑައިރެކްޓް ކުރި އިމްތިއާޒް އަލީގެ ކޮއްކޮ އާރިފް އަލީ އެވެ.
ލޯބީގެ ހާދިސާތަކެއް ދައްކުވައިދޭ "ލޭކަރު ހަމް ދީވާނާ ދިލް" ގެ ޓްރެއިލާ ވެސް މިހާރު ވަނީ ލޯންޗްކޮށްފަ އެވެ. މި ފިލްމުގައި އަރްމާން އާ އެކު ބަތަލާއެއްގެ ގޮތުގައި ފެނިގެން ދާނީ ދީކްޝާ ސިންގެވެ.
އޭއާރް ރަހްމާން މިއުޒިކް ތައްޔާރުކޮށް ދީފައިވާ މި ފިލްމް ސިނަމާތަކަށް އަންނާނީ ޖުލައި 4 ގަ އެވެ.