ޝަންގްރިއްލާ ވިލިނގިލި ރިސޯޓް އެންޑް ސްޕާގެ އިންޓަރ ޑިޕާޓްމަންޓް ފުޓްބޯޅަ މުބާރާތް އިއްޔެ ހަވީރު ޝަންގްރިއްލާ ފުޓްސަލް ދަނޑުގައި ފަށައިފި އެވެ.
އަށް ޓީމް ވާދަކުރާ މި މުބާރާތުގެ ހުޅުވި މެޗްގައި ބައްދަލު ކުރީ އެފްއެންޑްބީގެ މުގުރި މިރިސް ޓީމާއި، އެޑްމިންގެ ބަސް ޓީމެވެ. މިމެޗް 3-0 ލަނޑުން ކާމިޔާބް ކުރީ މުގުރި މިރިސް ޓީމެވެ. މޮޅު ކުޅުންތެރިއަކީ މުގުރި މިރިސް ޓީމްގެ އަހްމަދު ސައީދު (އައްމަޓީ)އެވެ.
އިއްޔެ ހަވީރު ކުޅުނު ދެވަނަ މެޗްގައި ފްރޮންޓް އޮފީހުގެ އެފްއޯ ސާބަހޭ އާއި އިންޖިނިއަރިންގެ ކޯޑް 2 ބައްދަލު ކުރި މެޗް 11-0 ލަނޑުން ކާމިޔާބް ކުރީ އެފްއޯ ސާބަހޭއެވެ. މޮޅު ކުޅުންތެރިއަކީ އެފްއޯ ސާބަހޭގެ އިބްރާހިމް ޖުނާހްއެވެ.
މިއަދު ކުޅޭ ފުރަތަމަ މެޗްގައި ބައްދަލު ކުރާނީ އެފްއެންބީގެ ޗާކޯލް އާއި ހައުސް ކީޕިންގެ އެޗްކޭ މާރަނގާއެވެ. ދެވަނަ މެޗްގައި ބައްދަލު ކުރާނީ ފްރޮންޓް އޮފީހުގެ އަންރިއަލް މެޑްރިޑް އާއި އެފްއެންބީގެ ޕޯކްލަކްއެވެ.
މުބާރާތް މިމަހުގެ 20 ވަނަ ދުވަހާއި ހަމަައަށް ކުރިއަށް ގެންދިއުމަށް ނިންމާފައިވާ ކަމަށް ޝަންގްރިއްލާއިން ބުނެއެވެ.