އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގެ ސީއީއޯ ޑރ. މުހައްމަދު ސޯލިހު ހދ. ކުޅުދުއްފުށީ ހޮސްޕިޓަލަށް ވަޑައިގެންފި އެވެ.
އެ ހޮސްޕިޓަލަށް ސޯލިހު ކުރައްވާ ރަސްމީ ދަތުރުގެ ތެރެއިން އެތަނުގެ އެކި ޑިޕާޓްމަންޓްތަކަށް ޒިޔާރަތްކުރައްވައި މަސައްކަތް ކުރިއަށްދާ ގޮތް ބައްލަވައި މުވައްޒަފުންނާ ބައްދަލުކުރައްވާނެ އެވެ. އަދި ކުޅުދުއްފުށީ ހޮސްޕިޓަލްގެ ހިދުމަތްތައް ރަނގަޅުކުރުމާ ގުޅޭ ގޮތުން އަމިއްލަ ތަޖުރިބާ އެ ހޮސްޕިޓަލްގެ މެނޭޖްމަންޓާ ހިއްސާކުރާނެ އެވެ.
ހިދުމަތްތައް އެއް ދުވަހުން އަނެއް ދުވަހަކަށް ރަނގަޅުކޮށް، ފުޅާކުރުމަށް ކުޅުދުއްފުށީ ހޮސްޕިޓަލުން މަސައްކަތް ކުރަމުން އަންނަ އިރު، އެތަނަކީ އުތުރުގައި ހިދުމަތް ދެމުން އަންނަ އެންމެ ބޮޑު ހޮސްޕިޓަލެކެވެ. އަދި އެ ސަރަހައްދުގެ ގިނަ ބަޔަކު ސިއްހީ ފަރުވާ އަށް ބަރަށް ބޮޑަށް ބަރޯސާވާ ތަނެކެވެ.
ޑރ. ސޯލިހު ހިންގަވަމުން އަންނަ އޭއީއެޗަކީ އަތޮޅު ތެރޭގައި ހުރި އެންމެ ބޮޑު ޓާޝަރީ ހޮސްޕިޓަލެވެ. އެތަނުގެ ހިދުމަތް ޖެނުއަރޫ 15، 2020 ގައި ފެށި ފަހުން ހިދުމަތްތައް އެއް ދުވަހުން އަނެއް ދުވަހަށް އަންނަނީ އިތުރުކޮށް، ރަނގަޅުކުރަމުންނެވެ. މީގެ އިތުރުން މުވައްޒަފުންގެ ފެންވަރު މަތިކުރުމަށް ވެސް އޭއީއެޗުން މިހާރު އަންނަނީ ވަރށް ބޮޑު އިސްކަމެއް ދެމުންނެވެ.