މިހާރު ކުރިއަށްދާ ވޯލްޑް ކަޕްގެ ފޯރި ދިވެހިންގެ ތެރޭގައި ވެސް ވަކި ހިއްޕާލާފައިބވާ އިރު، މުބާރާތުގެ މެޗްބްތައް ބަލާ އިރު، ސިއްހަތަށް ރަނގަޅު ނޫން ކާނާތަކާ ދުރުވެ، "ހެލްތީ ސްނެކްސް" އިހުތިޔާރުކުރަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ހާއްސަ އިލްތިމާސެއްކޮށްފި އެވެ.
އެތަނުން #ދުޅަހެޔޮ ސިއްހަތަށް ކުޅިވަރު ޖަހާފައި ކުރި ޓްވީޓެއްގައި ބުނީ ވޯލްޑް ކަޕްގެ އެންމެ ގަޔާވާ ޓީމަށް ސަޕޯޓްކުރާ އިރު ހެލްތީ ސްނެކެއް އިހުތިޔާރު ކުރުމަކީ މުހިއްމު ކަމެއް ކަމަށެވެ. އެގޮތުން ލޮނާއި ހަކުރު އަދި ތެޔޮ އެކުލެވޭ ބާވަތްތައް މަދުކުރެވިދާނެ ކަމަށް އެޗްޕީއޭ އިން ބުންޏެވެ.
ވާލްޑް ކަޕްގެ އެންމެ ގަޔާވާ ޓީމަށް ސަޕޯޓް ކުރާއިރު ހެލްތީ ސްނެކެއް އިޚްތިޔާރު ކުރޭ. މިގޮތުން ލޮނު، ހަކުރު އަދި ތެޔޮ އެކުލެވޭ ބާވަތްތައް މަދުކުރެވިދާނެ#DhulhaheyoSikhathakahKulhivaru@FIFAWorldCupQTR pic.twitter.com/QvL1qYgnss
— Health Protection Agency (@HPA_MV) December 5, 2022
އެހެންވެ މެޗްތައް ބަލާ ވަގުތުގަކުއި ސްނެކްސްގެ ގޮތުގައި ބޭނުންކުރެވިދާނެ ފައިދާ ހުރި ބާވަތްތަކެއް ވެސް ފާހަގަކޮށްފައިވެ އެވެ. އޭގެ ތެރޭގައި ހިމެނެނީ މޭވާ އާއި ތަރުކާރީގެ ބާވަތްތަކާއި ލޮނު ނުލާ ބަދަނާއި ފިހުނު ޕޮޓޭޓޯ ޗިޕްސް އާއި ލޮނު މަދުކޮށް ހަދާފައިވާ ޕޮޕްކޯނާއި ހަނާކުރި ސަނާމުގުގެ އިތުރުން ވަޅޯމަސް ހިމެނެ އެވެ.
މިދިޔަ މަހުގެ 20 ގައި ގަތަރުގައި ފެށި ވޯލްޑް ކަޕް މުބާރާތުގެ މެޗްތައް ބެލުމުގެ ފޯރި ރާއްޖޭގެ ހުރިހާ ހިސާބެއްގައި ވެސް ގަދައެވެ. އެގޮތުން ވަރަށް ގިނ ަރަށްރަށުގައި ގިނަ ބަޔަކު ޖަމާވެގެން ބޮޑު ސްކްރީންތަކުގައި މެޗްތައް ބަލާ އިރު، ބޮޑެތި ކެއުންގަނޑުތަކާއި ފިނި ބުއިންތަކާ އެކީ މެޗްތަކުގެ ފޯރި ނަގާކަން ފާހަގަކޮށްލެވެ އެވެ.
ވޯލްޑް މި މަހުގެ 18 އާ ހަމައަށް ކުރިއަށް ދާނެ އެވެ.