މެންޓަލް ހެލްތު ނުވަތަ ނަފުސާނީ ދުޅަހެޔޮކަމަށް ހާއްސަކޮށްގެން އިއްޔެ ރާއްޖޭގައި "ކިހިނެއް؟" ގެ ނަމުގައި ލޯންޗްކުރި އެއް އަހަރު ދުވަހުގެ ކެމްޕޭނަށް ކުރީގެ ޑިފެންސް މިނިސްޓަރު އާދަމް ޝަރީފް އުމަރު ފާޑު ވިދާޅުވެއްޖެ އެވެ.
ޔުނިސެފާ ގުޅިގެން ހެލްތު މިނިސްޓްރީން އިއްޔެ ހަވީރު ފެށި ކެމްޕޭނާ ގުޅޭ ގޮތުން މަޑުއްވަރީ ދާއިރާގެ މެމްބަރު މިއަދު ކުރެއްވި ޓްވީޓެއްގައި ވިދާޅުވީ ނަފުސާނީ ދުޅަހެޔޮ ކަމަށް ކުރާ މަސައްކަތްތަކަށް އަހަރު ދުވަހުގެ ކެމްޕޭނެއް ނުފުދޭ ކަމަށެވެ. އެހެންވެ ރައީސް އިބްރާހީމް މުހައްމަދު ސޯލިހު ލޯންޗްކޮށް ދެއްވި ކެމްޕޭނަކީ ސިޔާސީ މަގުސަދަކަށްޓަަކައި ފެށި ކަމަކަށް ނުވާނެތޯ ސުވާލު އުފައްދަވާފައިވެ އެވެ.
The National Mental Health Communications Strategy & Campaign launched today w/ HPA aims to normalize the conversation about mental health & promote connection & action in support of children, young people & the community in promoting their mental health —1/2#OnMyMind #Kihineh pic.twitter.com/KbMbPQYUhb
— UNICEF Maldives (@UNICEFMaldives) December 5, 2022
އާދަމް ޝަރީފް ވިދާޅުވީ ނަފުސާނީ ދުޅަހެޔޮ ކަމަށް ކުރެވޭ މަސައްކަތްތަކީ ހަރުދަނާ ޕްލޭންތަކެއްގެ ދަށުން ދިގު މުއްދަތަކަށް ކުރަން ޖެހޭ ކަމެއް ކަމަށެވެ.
"މިއީ ފަރުވާ ބޭނުންވާ މީހުންނާއި ފަރުބާދޭން ތިބި މީހުންނަށް ހާއްސަކޮށްގެން ކުރެވޭ މަސައްކަތުގެ ތެރެއިން ދިގު މުއްދަތެއް ޕްލޭންތަކެއް އޮންނަން ޖެހޭ ކަމެއް." އޭނާ ވިދާޅުވި އެވެ.
ހެލްތު މިނިސްޓްރީން ބުނި ގޮތުގައި "ކިހިނެއް؟" ކެމްޕޭންގެ ބޭނުމަކީ ފަރުދުންނާއި މުޖުތަމަުގެ ނަފުސާނީ ދުޅަހެޔޮކަން ކުރިއެރުވުމަށާއި ނަފްސާނީ ބަލިތައް ތަހައްމަލުކުރާ މީހުންނާ މެދު ދެކޭ ނޭދެވޭ ގޮތްތަކާއި ވިސްނުންތައް ބަދަލުކޮށް ތަފާތުކުރުން ނައްތާލުމަށް މަސައްކަތް ކުރުމެވެ.
ނަފްސާނީ ޞިއްޙަތަށް ހޭލުންތެރިކުރުމުގެ ޤައުމީ ކެމްޕޭން އިފްތިތާޙު ކުރުމުގެ ރަސްމިއްޔާތު#Kihineh? #OnMyMind @MoHmv @UNICEFMaldives pic.twitter.com/XZBKgyMlyn
— Health Protection Agency (@HPA_MV) December 5, 2022
އެގޮތުން މި ކެމްޕޭނުން ހާސިލުކުރުމަށް ކަނޑައަޅާފައިވާ ލަނޑުދަނޑިތަކުގެ ތެރޭގައި ފަރުދުންގެ ގާބިލުކަން އިތުރުކޮށް ކުރިމަތިވާ އުނދަގޫ އިހިސާސްތައް ތަހައްމަލުކުރަން ދެނެގަނެ އެކަންކަމުން އަރައިގަތުމުގެ ގާބިލުކަން އުފެއްދުމާއި، އަމިއްލަ ނަފުސަށް އަޅާލުމަށް ކުރަން ޖެހޭ ކަންކަން އެނގި އެކަން ކުރެވޭނެ ގާބިލުކަން ފަރުދުންގެ މެދުގައި އުފެއްދުމާއި ނަފްސާނީ ކަންކަމަށް ހޭލުންތެރި ކުރުވުން ހިމެނެ އެވެ. މީގެ އިތުރުން ބާރުވެރި އަދި އަޅާލާ މުޖުތަމައެއް ބިނާކުރުމާ އެކީ، ވިސްނުމުގެ ތަފާތު ހުރި ނަމަވެސް އެކަކު އަނެކަކު ބަލައިގަނެ، އަޅާލާ ޒިންމާދާރު މުޖްތަމަޢެއް އުފެއްދުމަކީ ކެމްޕޭން ހާސިލުކުރަން ބޭނުންވާ ކަންކަމެވެ.