ހިތަދޫ ޒޯން ސްޓޭޑިއަމްގައި ލައިޓް ޖެހުމުގެ މަސައްކަތް ފަށައިފި އެވެ.
އޭއެފްސީ ޗެލެންޖް ކަޕަށް ހިތަދޫ ޒޯން ސްޓޭޑިއަމް ދިއްލުމަށް ބޭނުންވާ ސާމާން މިއަދު ހަވީރު ސްޓޭޑިއަމްއަށް ގެނެސް މިހާރު ލައިޓް ޖެހުމުގެ މަަސައްކަތް ވަނީ ފަށާފައެވެ.
ކުޅިވަރާއި ބެހޭ ވަޒީރު މަލީހް ޖަމާލް ވިދާޅުވީ ކުރިއަށް އޮތް 48 ގަޑިއިރުތެރޭ އައްޑޫ ޒޯން ސްޓޭޑިއަމްގެ ލައިޓިން ހުރިހާ މަަސައްކަތެއް ނިންމާލެވޭނެ ކަމަށެވެ.
"އަޅުގަނޑުމެން މި ބަލަނީ ކުރިއަށް އޮތް 48 ގަޑި އިރު ތެރޭ ލައިޓިންގެ މަސައްކަތް ނިންމަން، 16 ވަނަ ދުވަހު ލައިޓިންގެ ހުރިހާ މަސައްކަތެއް ހުންނާނީ ނިމިފައި." އޭނާ ވިދާޅުވި އެވެ.
ލަންކާ ސަރުކާރުގެ އެހީގައި ހިތަދޫ ޒޯން ސްޓޭޑިއަމްގައި ހަރުކުރާ ލައިޓިން އަކީ ވަގުތީ ލައިޓިންއެކެވެ. މައުލޫމާތު ލިބިފައިވާ ގޮތުގައި މިއަހަރު ފަހުކޮޅު ހިތަދޫ ޒޯން ސްޓޭޑިއަމްގައި ބޭއްވުމަށް މަޝްވަރާ ކުރަމުން އަންނަ ރާޖަ ޕަކްސަ އިންޓަނޭޝަން މުބާރާތަށް ދާއިމީ ލައިޓިން ހަރުކުރާނެއެވެ.