ވައި ސާފު މިންވަރު ބެލުމަށް ހުޅުމާލޭގައި ވެސް ސިސްޓަމެއް ބެހެއްޓުމަށް ނިންމައި، އެކަމުގެ އެއްވަސްވުމުގައި ސޮއިކޮށްފި އެވެ.
ހުޅުމާލޭގެ ސެންޓްރަލް ޕާކްގައި ގާއިމުކުރަން ނިންމާފައި ވަނީ ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯ އިން ހަދިޔާކުރި އެމްބިއަންޓް އެއާ ކޮލިޓީ މޮނިޓަރިން ސިސްޓަމް (އޭއޭކިއުއެމް) ގެ ދެ ސްޓޭޝަންގެ ތެރެއިން އެކައްޗެވެ. އެގޮތުން ހުޅުމާލާގެ އެއާ ކޮލިޓީ ސިސްޓަމް ސްޓޭޝަން ބެލެހެއްޓުމުގެ މަސައްކަތް އެންވަޔަރަމަންޓް މިނިސްޓްރީން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާ ރަސްމީކޮށް ހަވާލުކޮށްފަ އެވެ.
We have signed a Memorandum of Understanding with @MoEnvmv for the establishment of an Ambient Air Quality Monitoring System (AAQM) station and 2 sensors at key positions of Hulhumalé. 1/3 pic.twitter.com/Q0qZzaPpyR
— HDC (@hdcmaldives) December 12, 2022
އެގޮތުން އެއްބަސްވުމުގައި މިނިސްޓްތީގެ ފަރާތުން ސޮއިކުރެއްވީ އާމިނަތު ޝައުނާ އެވެ. އެޗްޑީސީން ސޮއިކުރެއްވީ މެނޭޖިން ޑިރެކްޓަރު އަހުމަދު އާތިފެވެ.
މިނިސްޓްރީން ބުނީ އެއާ ކޮލިޓީ ބަލާ ސްޓޭޝަން މެދުވެރިކޮށް ލިބޭ ޑޭޓާ ބޭނުންކޮށްގެން އާންމުންގެ މެދުގައި ހޭލުންތެރިކަން އިތުރުކުރުމާއި، އެ ޑޭޓާ އާންމުންނަށް ފެންނާނެހެން ޝާއިޢުކުރުމުގެ މަސައްކަތް އެޗްޑީސީ އާއި މިނިސްޓްރީ ގުޅިގެން ކުރާނެ ކަމަށެވެ.
Air pollution from transportation, power generation, industry and domestic sources can cause a variety of health problems, including cancer and respiratory and cardiac diseases. 2/3 pic.twitter.com/x55dVbmNvp
— HDC (@hdcmaldives) December 12, 2022
ވައިގެ ސާފުކަން ދެނެގަތުމަށް ރާއްޖޭގައި ގާއިމުކުރާ މޮނީޓަރިން ނެޓްވޯކްގެ ދަށުން ކުރިން ވަނީ ހދ. ކުޅުދުއްފުޓާއި، ށ. ފުނަދު އާއި ޅ. ހިންނަވަރާއި ދ. ކުޑަހުވަދު އާއި ލ. ގަމާއި ގދ. ތިނަދު އާއި ފުވައްމުލަކާއި އައްޑޫ ހިތަދޫގައި މޮނީޓަރިން ސިސްޓަމްތައް ޤާއިމުކޮށްފަ އެވެ.
މިހާރު މާލޭގައި ވެސް މިފަދަ މޮނީޓަރެއް ޤާއިމުކުރުމުގެ މަސައްކަތް އަންނަނީ ކުރަމުންނެވެ. މިނިސްޓްރީން ބުނީ ވިލިމާލޭގައި ވެސް އެ ސިސްޓަމް ގާއިމުކުރަން ހަމަޖެހިފައިވާ ކަމަށެވެ.