އައްޑޫގެ އެއްގަމުގައި ދުއްވާ އިންޖީނުލީ އެއްޗެއްސާއި ގުޅޭ ގަވާއިދަށް ހިޔާލު ހުށަހެޅުމުގެ ފުރުސަތު މިއަދުން ފެށިގެން މިމަހުގެ 31 ވަނަ ދުވަހުގެ ނިޔަލަށް ސިޓީ ކައުންސިލުން ހުޅުވާލައިފިއެވެ.
ކައުންސިލުން ބުނީ މި ގަވާައިދުގެ ދަށުން އިންޖީނުނުލާ އެއްޗެއްސާއި އެ ބޭނުންކުރުމާއި އަދި މަގުމަގާއި ޢާންމު ތަންތަނުގައި ޕާކްކުރުމާއި ޕާކްކުރުމުގެ ފީ ނެގުމާބެހޭ ގޮތުންވެސް ޚިޔާލު ހުށަހެޅުމުގެ ފުރުސަތު ހުޅުވާލާފައިވާ ކަމަށެވެ.
ކައުންސިލުން ބުނީ މިއަދު އާއްމުކުރި މިޤަވާއިދުގެ ޑްރާފްޓަކީ ޤާނޫނު ނަންބަރު 2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގެ 151 ވަނަ މާއްދާގެ (ކ) ގެ ދަށުން ބާރުލިބިގެން، އެކުލަވާލެވިފައިވާ ޤަވާއިދެކެވެ. މިޤަވާއިދަށް އަމަލުކުރަން ފަށާނީ، މިޤަވާއިދު ދިވެހި ސަރުކާރުގެ ގެޒެޓްގައި ޝާއިރުކުރާ ދުވަހުން ފެށިގެންނެވެ.