އޭއެފްސީ ޗެލެންޖް ކަޕްގެ ގްރޫޕް ބީގެ ދެވަނަ މެޗް ބައްލަވާލެއްވުމަށް ރައީސާއި ނައިބް ރައީސް މިއަދު އައްޑު އަށް ވަޑައިގަންނަވާނެ ކަމަށް ރައީސް އޮފީހުން ބުނެފި އެވެ.
ތަރުޖަމާން އިބްރާހީމް މުއާޒް ވިދާޅުވީ ޔާމީނާއި ޑރ. ޖަމީލް އައްޑު އަށް ވަކިވަކިމް ވަޑައިގަންނަވާނީ މިއަދު ހަވީރުގެ ވަގުތެއްގައި ކަމަށެވެ.
އަދި މިރޭ އޮންނަ ފިލިޕީންސާއި އަފްޢާން މެޗް ބައްލަވާލެއްވުމަށް ފަހު، ދެ ބޭފުޅުން ވެސް އައްޑޫން ފުރާވަޑައިގަންނަވާނެ ކަމަށް ވެސް ތަރުޖަމާން ވިދާޅުވި އެވެ. މިރޭގެ މެޗް ފަށާނީ 9:00 ޖަހާ އިރު އެވެ.
ރައީސް ޔާމީން ވަނީ އައްޑޫ ފުޓްބޯޅަ ސްޓޭޑިއަމަ ރަސްމީކޮށް ހުޅުވުމުގެ ރަސްމިއްޔާތުގައި ވެސް މިދިޔަ އާދީއްތަ ދުވަހު އައްޑު އަށް ވަޑައިގެންފަ އެވެ.
އަދި މިއީ ރިޔާސީ އިންތިހާބުގެ ފަހުން ނައިބް ރައީސް ޑރ. ޖަމީލް އައްޑު އަށް ވަޑައިގަންނަވާ ދެވަނަ ދަތުރެވެ.