ޤުރުއާން މުދައްރިއްސުން ތަމްރީނުކުރަން އދ. އަތޮޅު ކައުންސިލުން ނިންމައި، ސްކޮލަޝިޕް ސްކީމަކަށް ފުރުސަތަކަށް ހުޅުވާލައިފި އެވެ.
އެ ކައުންސިލުން ބުނީ އެ އަތޮޅުގެ 10 ރަށަށް އަމާޒުކޮށްގެން ޤުރްއާން މުދައްރިސުން ތަމްރީނުކުރުމުގެ ޕްރޮގްރާމެއް ހިންގުމަށް ނިންމާފައިވާތީ އޭގައި ބައިވެރިވާން ޝައުގުވެރިވާ މީހުންނަށް ކުރިމަތިލާން ހުޅުވާލާފައިވާ ކަމަށެވެ. ކުރިމަތިލުމުގެ އެންމެ ފަހު ސުންގަޑި އަކީ އަންނަ މަހުގެ 3 އެވެ. މިކަމަށް އެދީ ފޯމް އދ. އަތޮޅު ކައުންސިލް އިދާރާ އިން މިހާރު އަންނަނީ ދޫކުރަމުންނެވެ. އިތުރު މައުލޫމާތު 6608507 ނަމްބަރުން ހޯދޭނެ އެވެ.
ކައުންސިލުން ބުނި ގޮތުގައި ޤުރުއާން މުދައްރިސުން ތަމްރީނުކުރަން ސްކޮލްޝިޕް ސްކީމެއް ފެށުމުގެ މަގުސަދަކީ އދ. އަތޮޅުގެ ރަށްރަށުގެ ސްކޫލްތަކަށް ފެންވަރު ރަނގަޅު ޤުރުއާން މުދައްރިސުން ތަމްރީނުކުރުމާއި، އަތޮޅުގެ ރަށްރަށުގައި ކީރިތި ޤުރްއާން ކިޔެވުމާއި، ކިޔަވައިދިނުމަށް ހިތްވަރުދީ، ކުރިއެރުންތައް ހޯދުމެވެ.