އަކްޝޭ ކުމާރުގެ މި އަހަރު ރިލީޒް ވާން ހުރި ފިލްމުތަކުގެ ތެރެެއިން "އިޓްސް އެންޓަޓައިންމަންޓް" އަކީ ގިނަ ބަޔަކު އިންތިޒާރު ކުރަމުން އަންނަ ފިލްމެކެވެ
މި ފިލްމުގެ ފުރަތަމަ ޕޯސްޓަރާއި ޓްރެއިިލާ ވެސް މިހާރު ވަނީ ބެލުންތެރިންނާ ހަމައަށް ގެނެސް ދީފަ އެވެ.
ހެއްވާ މަޖާ ހާދިސާތަކެއް ދައްކުވައިދޭ "އިޓްސް އެންޓަޓައިންމަންޓް" ގައި އަކްޝޭ އާ އެކު ބަތަލާއެއްގެ ގޮތުގައި ފެނިގެން ދާނީ "ހިންމަތުވާލާ" އަޖޭ ދޭވްގަން އާ އެކު ފެނިގެން ދިޔަ ތަމަންނާ ބާޝިއާ އެެވެ.
މިއީ އަކްޝޭ އާއި ޒުވާން ތަމަންނާ އެކުގައި އެއް ފިލްމަކުން ފެންނަ ފުރަތަމަ ފަހަރު ވެސް މެެ އެވެ.
މީގެ ކުރިން ކާމިޔާބު ވަރަށް ގިނަ ފިލްމްުތަކެއްގެ ޑައިލޮގް ލިޔެފައިވާ ސާޖިދް އާއި ފަރްހާދް ޑައިރެކްޓްކޮށްފައިވާ "އިޓްސް އެންޓަޓައިންމަންް" ސިނަމާތަކަށް އަންނާނީ އޮގަސްޓް 8 ގަ އެވެ.
މިއީ އެ ދެ މީހުން ލިޔެ ޑައިރެކްޓް ކުރާ ފުރަތަމަ ފިލްމެވެ. ސާޖިދާއި ފަރުހާދު ޑައިލޮގް ލިއުނު މަޝްހޫރު ފިލްމުތަކުގެ ތެރޭގައި "ޗެންނައި އެކްސްޕްރެސް" އާއި "ގޯމާލް" ސީރީސްގެ އިތުރުން ވެސް ގިނަ ފިލްމުތަކެއް ހިމެނެ އެވެ.
"އިޓްސް އެންޓަޓައިންމަންޓް" ވެގެން ދާނީ މި އަހަރު ރިލީޒްވާ އަކްޝޭގެ ދެވަނަ ފިލްމަށެވެ. އޭނާ އާއި ސޮނާކްޝީ ސިންހާ ލީޑް ރޯލް ކުޅެފައިވާ "ހޮލިޑޭ" އަންނަ މަހު ސިނަމާތަކަށް އަންނާނެ އެވެ.
މިއީ އާމިރް ހާން ލީޑް ރޯލް ކުޅުނު "ގަޖިނީ" ގެ ޑައިރެކްޓަރު އޭއާރް މުރްގަދޯސްގެ ފިލްމެކެވެ.