ބޭންކް އޮފް މޯލްޑިވްސް (ބީއެމްއެލް) ގެ އޭޓީއެމްތަކުން ޗާޖެއް ނަގައިގެން ދެމުން ގެންދިޔަ ފައިސާ ނެގުމުގެ ހިދުމަތް ހިލޭ ދޭ ގޮތަށް އެ ބޭންކުން ނިންމައިފި އެވެ.
އެހެންވެ އޭޭޓީއެމުން ހޯދާ ހިދުމަތަށް ޗާޖް ކުރަމުން ދިޔަ 2ރ. ކުރިއަށް އޮތް ތަނުގައި ނަގަމުންނެއް ނުދާނެ އެވެ.
ބީއެމްއެލުން ބުނީ މި ގޮތަށް ހަމަޖެއްސުމާ ގުޅިގެން މިހާރު ރާއްޖޭގެ ހުރިހާ ހިސާބެއްގައި ހުރި ބީއެމްއެލްގެ އޭޓީއެމްތަކުން ހިލޭ ފައިސާ ނެގޭނެ ކަމަށެވެ.
ބީއެމްއެލް އިން ވަނީ އޭޓީއެމް އިން ކޭޝް ކާޑު ބޭނުންކޮށްގެން ފައިސާ ނެގޭ އަދަދު ވެސް ދާދި ފަހުން އިތުރުކޮށްފަ އެވެ.
މިހާރު ވިސާ ކްލެސިކް ކާޑާއި އެމެރިކަން އެކްސްޕްރެސް ގްރީން ޑެބިޓް ކާޑު ބޭނުންކޮށްގެން ދުވާލަކު 10،000ރ. ނެގޭ އިރު، އެމެރިކަން އެކްސްޕްރެސް ގޯލްޑް ޑެބިޓް ކާޑު ބޭނުންކޮށްގެން ދުވާލަކު 15،000ރ. ނެގެ އެވެ.