އާރް ބަލްކީގެ "ޕާ" އާއި "ޗީނިކުމް" އަށް ފަހު، މޮޅު ރޯލްތަކެއް އަދާ ކުރުމަށް ފަހު، އަމީތާބް ބައްޗަން ބަލްކީގެ އާ ފިލްމުގެ މަސައްކަތް ފަށައިފި އެވެ.
މި ފިލްމުގެ ނަމަކީ އަމީތާބްގެ ނަމާ ވެސް ވަރަށް ވައްތަރު ނަމެކެވެ. އެއީ "ޝަމީތާބް" އެވެ.
ފިލްމުގެ ނަމާ ބެހޭ ގޮތުން ބަލްކީ ބުނީ އަމީތާބުގެ ނަމުގެ ކުރިއަށް "އެސް އާއި އެޗް" ލައިގެން "ޝަމީތާބް" ގެ ނަމުގައު އޭނާގެ އާ ފިލްމު ގެނެސް ދިނުމަކީ ލިބޭ އުފަލެއް ކަމަށެވެ. އަދި ފިލްމުގެ ޝޫޓިން މިހާރު ވަރަށް ބާރަށް ކުރިއަށްދާ ކަމަށް ބަލްކީ ބުންޏެވެ.
އެހެން ނަމަވެސް މިއީ ކޮން ކަހަލަ ވާހަކައެއްގެ މައްޗަށް ހަދާ ފިލްމެއް ކަމަށް އަދި ހާމަކޮށްފައެއް ނުވެ އެެވެ.
"ޝަމީތާބް" ގައި އަމީތާބުގެ އިތުރުން "ރާންޖަނާ" އިން ބޮލީވުޑަށް ނިކުތް ދަނޫޝް "ކޮލަވަރީ ޑީ" އާއި ކަމަލް ހަސަންގެ ހަގު އަންހެން ދަރިފުޅު އަދި މިހާރު ވިދަމުން އަންނަ ބަތަލާ ޝްރޫތީ ހަސަންގެ ކޮއްކޮ އަކްޝަރާ ހަސަން ވެސް މުހިއްމު ރޯލްތަކުން ފެނިގެން ދާނެ އެވެ.
މި ފިލްމަކީ އަކްޝަރާގެ ފުރަތަމަ ފިލްމެވެ.