މަޝްހޫރު ސްކްރީން ރައިޓަރު މަހުދީ އަހުމަދުގެ ސްކްރީންޕްލޭއަކަށް މޫމިން ފުއާދު ޑައިރެކްޓް ކުރާ "މާޔޫސް" މި އަަހަރު ބެލުންތެރިންނާ ހަމައަށް ގެނެސް ދޭން ނިންމައިފި އެވެ.
މޫމިންއަކީ "ލޫދިފާ" އާއި "ހެޕީ ބާތު ޑޭ" ފަދަ ވަރުގަދަ ފިލްމުތައް ބެލުންތެރިންނާ ހަަމައަށް ގެނެސް ދީފައިވާ ކުޅަދާނަ ޑައިރެކްޓަރެެވެ. އަދި އޭނާއަކީ ގިނަ ބަޔަކު ވަރަށް އިތުބާރު ކުރާ ޑައިރެކްޓަރެކެވެ. އެހެންވެ "މާޔޫސް" އާ މެދު އާންމުން ކުރާ އުންމީދުތައް ވެސް ބޮޑެވެ.
އަނެއްކޮޅުން މިއީ މަހުދީގެ ސްކްރީންޕްލޭއަަކަށް ހަދާ ފިލްމަކަށް ވާތީ، "މާޔޫސް" އަކީ މޮޅު ފިލްމަކަށް ވާނެ ކަމަށް ގިނަ ބަޔަކު ގަބޫލް ކުރެ އެވެ. އޭނާއަކީ "އިނގިލި"، "ސަޒާ" އަދި "ދިލަކަނި" ފަދަ ފިލްމްތަކުގެ ސިކުނޑި އެވެ.
"މާޔޫސް" ގެ މަންޒަރުތައް ދާދި ފަހުން މާލޭގައި ނިންމާލުމަށް ފަހު، ފިލްމުގެ ކްރޫ މިހާރު ހަރަކާތްތެރިވަމުން އަންނަނީ ބ. އަތޮޅުތަކުގެ ރަށްތަކުގަ އެވެ.
"މާޔޫސް" ގެ މުހިއްމު ރޯލްތަކުން ފެނިގެން ދާނެ ތަރިންގެ ތެރޭގައި މި އަހަރު ރިލީޒް ކުރި ފުރަތަމަ ފިލްމް "އަނިޔާ" އިން ފިލްމީ ދާއިރާ އަށް ތައާރަފްވި ޖުމައްޔިލް ނިމާލާއި އެ ފިލްމުގައި މުހިއްމު ރޯލްތަކެއް ކުޅުނު އިސްމާއީލް ރަޝީދު (ކޮޕީ އިއްސެ) އަދި ނިއުމާ މުހައްމަދު ހިމެނެ އެވެ.