ގަމުގައި ހިންގަމުން އަންނަ އީކްއޭޓަ ވިލެޖުން އަންނަ ރޯދަ މަހަށް ހާއްސަ ރޯދަ ވީއްލުމުގެ ޕެކެޖްތަކެއް ތައާރަފްކޮށްފި އެވެ.
ރޯދަ މަހަށް ހާއްސަކޮށްގެން އެތަނުން ވަނީ "ރަމަޟާން ބްރެކްފާސްޓް 2014" ގެ ނަމުގައި ފަސް ޕެކެޖެއް ތައްޔާރުކޮށްފަ އެވެ.
އޭގެ ތެރޭގައި ހިމެނެނީ ބޮލަކަށް 150ރ. ޗާޖް ކުރާ ޕެކެޖަކާއި ބޮލަކަށް 175ރ. އާއި 200ރ. ގެ އިތުރުން 220ރ. އާއި 250ރ. ގެ ޕެކެޖްތަކެވެ.
އީކްއޭޓާ އިން ބުނީ ރޯދަ ވީއްލުމަށް އޯޑަރު ކުރަން ބޭނުންވާ ފަރާތްތަކުން އެއް ދުވަސް ކުރިން ގުޅައި، ރިޒަވޭޝަން ހަދަން ޖެހޭ ކަމަށެވެ. އެތަނާ ގުޅޭނެ ނަމްބަރުތަކަކީ 6898721 އަދި 9826444 އެވެ.
ކޮންމެ ރޯދަ މަހަކު ވެސް އީކްއޭޓާ އިން ރޯދަ ވީއްލުން ބާއްވަމުން އަންނަ އިރު، އާންމުންގެ ފަރާތުން އަބަދު ވެސް ބޮޑު ތަރުހީބެއް ލިބެމުން އަންނަ ކަމަށް އެތަނުން ބުންޏެވެ.
ހާއްސަކޮށް ބޮޑެތި އޮފީސްތަކުން މިކަމަށް ލިބޭ ތަރުހީބު ވަރަށް ރަނގަޅު ކަމަށް އީކްއޭޓަ އިން ބުންޏެވެ.
އީކްއޭޓާ އިން ރޯދަ ވީއްލުން ނަގާ އިރު، 12 އަހަރުން ދަށުގެ ކުދިންނަށް 25 ޕަސެންޓްގެ ޑިސްކައުންޓެއް ވެސް ލިބެ އެވެ. އަދި އުމުރުން ހަތަރު އަހަރުން ދަށުގެ ކުދިންނަށް އެއްވެސް އަގެއް ނުނަގަ އެވެ.