އެކުގައި ކާމިޔާބު ފިލްމުތަކެއް ކުޅެފައިވާ އަކްޝޭ ކުމާރާއި ކަރީނާ ކަޕޫރު އަނެއްކާ ވެސް އާ ފިލްމެއްގެ މަަސައްކަތް ފަށަން ތައްޔާރުވެއްްޖެ އެވެ.
މި ފަހަރުގެ ފިލްމަކީ ޕްރަބޫދޭވާ ޑައިރެކްޓް ކުރާ "ސިންގް އިޒް ބްލިންގް" އެވެ.
މިއީ "ރައުޑީ ރާތޯޑް" އަށް ފަހު، އަކްޝޭ އާއި ޕްރަބޫ އެކުގައި މަސައްކަތް ކުރާ ފުރަތަމަ ފިލްމެެވެ. އަދި މިއީ ޕްރަބޫގެ ފިލްމެއް ކަރީނާ ލީޑް ރޯލް ކުޅޭ ފުރަތަމަ ފަހަރު ވެސް މެ އެވެ. "ރައުޑީ ރާތޯޑް" ގެ ލަވައެއްގައި ކެމިއޯއަކުން ކަރީނާ ފެނިފައިވެ އެވެ.
ކަރީނާ "ސިންގް އިޒް ބްލިންގް" ގެ ބަތަލާއަކަށް ހަމަޖެހުނުކަން ޕްރަބޫ ވަނީ ކަށަވަރު ވެސް ކޮށް ދީފަ އެވެ. އޭނާ އަދި ބުނީ އެ ފިލްމުގައި ކަރީނާ ފެނިގެން ދާނީ ވަރުގަދަ މުހިއްމު ރޯލަކުން ކަމަށެވެ.
"މީގެ ކުރިން ވެސް އަހަރެން ހެދި ފިލްމުތަކުގައި ބަތަލާ އިންގެ ރޯލަކީ މުހިއްމު ރޯލްތަކެއް. އާރް…ރާޖްކުމާރުގައި ސޮނާކްޝީ ސިންހާއަކީ ހަމައެކަނި ބުދެއްހެން ހުރި މީހެއްތަ؟ ނޫން. ފިލްމެއްގެ ޓައިޓްލް ކޮންމެ ގޮތަކަށް އޮތަސް ބަތަލު އާ އެއްވަރުގެ ރޯލެއް އަބަދު ވެސް ބަތަލާއިންނަށް އަހަރެންގެ ފިލްމުތަކުގައި ލިބޭނެ."
ކަރީނާ އާއި އަކްޝޭ އެންމެ ފަހުން އެކުގައި ކުޅުނު ފިލްމަކީ 2009 ގެ "ކަމްބަކްތު އިޝްގް" އެވެ.
އޭގެ ކުރިން އެ ދެ މީހުން ކުޅެފައިވާ ފިލްމުތަކުގެ ތެރޭގައި "ތަލާޝް"، "އެއިތުރާޒް"، "ބޭވަފާ"، "ތަޝަން" އަދި "އަޖްނަބީ" ފަދަ ފިލްމްތައް ހިމެނެ އެވެ.
"ސިންގް އިޒް ބްލިންގް" ސިނަމާތަަކަށް އަންނާނީ ޖުލައި 31، 2015 ގަ އެވެ.