ދުނިޔޭގެ ރިކޯޑް އަދަދަކަށް ޗައިނާގެ މާބަނޑު އަންހެނުން ޔޯގާ ސެޝަނެއްގައި ބައިވެރިވެ ގިނިސް ވޯލްޑް ރިކޯޑް ފޮތުން މި ދިޔަ އާދީއްތަ ދުވަހު ޖާގައެއް ހޯދައިފި އެވެ.
އެ މީހުން މި ސެޝަން ގެންދިޔައީ ޗައިނާގެ ހުނާން ޕްރޮވިންސްގެ ޗަންގްޝާގެ ޕާކެއްގެ ތެރޭގަ އެވެ.
މި ސެޝަންގައި 505 މާބަނޑު އަންހެނުން ބައިވެރިވި އެވެ. މި ސެޝަންގެ ވަގުތަކީ 37 މިނިޓް 28 ސިކުންތެވެ.
މީގެ ކުރިން މި ރެކޯޑް ހަދާފައި ވަނީ ހަމަ ޗައިނާގެ ޝެންޒެން އަވަށުގައި 2013 ވަނަ އަހަރު އެވެ. އެ ފަހަރު ބައިވެރިވެފައި ވަނީ 423 މާބަނޑު އަންހެނުންނެވެ.