އައްޑޫ ލިންކް ރޯޑްގައި ތާރުގަނޑު ކަނޑައިގެން ގޮސް ހަލާކުވެފައިވާ ތަންތަން މަރާމާތު ކުރުމުގެ މަސައްކަތް ފަށައިފި އެވެ.
މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރްޑީސީ) އިން ބުނީ މަގުގެ އެކި ސަރަހައްދުތަކުގައި ހަލާކުވެފައިވާ ތަންތަނުން ތާރުގަޑު ނައްޓައިގެން އެތަންތަނަށް އަލުން ތާރު އަޅައިގެން މަރާމާތު ކުރަމުން އަންނަ ކަމަށެވެ.
ލިންކް ރޯޑްގެ ތާރުގަނޑު ހަލާކުވުމަކީ ވަރަށް އާންމު ކަމެކެވެ. މީގެ ސަބަބުން ވެހިކަލްތައް ދުއްވަން ވަރަށް ބޮޑަށް ދަތިވެފައިވެ އެވެ.
މީގެ ކުރިން ވެސް އެތައް ފަހަރެއްގެ މަތިން ލިންކް ރޯޑްގެ ތާރުގަނޑު ހަލާކުވެގެން މަރާމާތުކޮށްފައިވެ އެވެ.
އެހެން ނަމަވެސް މަގުގެ ފެންވަރު ދަށްކަމުން ތާރުގަނޑު އޮންނަނީ އަބަދު މަރާމާތު ކުރަން ޖެހިފަ އެވެ.
