ހޮރައިޒަން އެކަޑަމީގައި މިހާރު ކުރިއަށްދާ ސައުތު ރީޖަން 5 ވަނަ އިންޓަ އޮފީސް ބެޑްމިންޓަން މުބާރާތުގެ ސެމީގެ މެޗްތައް މިރޭ ކުޅޭނެއެވެ.
ޖުމްލަ 9 ޓީމަކުން ވާދަކުރި މުބާރާތުގެ ސެމީއަށް ދަތުރުކޮށްފައިވަނީ ފްރޯ ފައިވް އާއި ސަބަތު ކެފޭ އާއި ޔަޝީ އަދި ކަސްޓަމްސްއެވެ.
ޔަޝީ ސެމީއަށް ގޮސްފައިވަނީ ރޭ ހިތަދޫ ސްކޫލްއާއި ވާދަކޮށް ސީދާ 3 ސެޓުން މޮޅުވެގެންނެވެ.
ސެމީގެ ފުރަތަމަ މެޗްގައި މިރޭ ކުޅޭނީ ޕްރޯ ފައިވް އާއި ސަބަތު ކެފޭއެވެ. ދެވަނަ ސެމީގައި ވާދަކުރާނީ ކަސްޓަމްސް އާއި ޔަޝީއެވެ.
މި މުބާރާތުގައި ބައިވެރިވެފައިވަނީ އަންހެން ދެ ޓީމެވެ. އެއީ އައްޑޫ ސްޕޯޓްސް އާއި ސަބަތު ކެފޭ އަންހެން ޓީމެވެ. އެހެން ކަމުން އަންހެން ޓީމް ކުޅުމަށް ހަމަޖެހިފައިވަނީ އެންމެ މެޗެކެވެ. އެއީ އަންހެން ފައިނަލް މެޗެވެ.