ކުރިއަށް އޮތް ރަމަޟާން މަހާ ދިމާކޮށް އައްޑޫގެ މިސްކިތްތަކުގެ އާބާތުރަ ފިލުވުމަށް ހިންގާ ޕްރޮގްރާމްގެ ދަށުން ފޭދޫގެ މިސްކިތްތައް މަރާމާތު ކުރާނެ ބަޔަކު ހޯދަން އިއުލާންކޮށްފި އެވެ.
ފޭދު އަވަށު އޮފީހުން ނެރުނު އިއުލާނެއްގައި ބުނަނީ ފޭދޫގެ އަށް މިސްކިތެއް މަރާމާތު ކުރަން ބޭނުންވާ ކަމަށެވެ.
އެހެންވެ އަމިއްލަ ތަކެތީގައި ކޮންޓްރެކްޓް އުސޫލުން މި މަސައްކަތްކޮށް ދޭން ޝައުގުވެރިވާ ފަރާތްތަކުން މި މަހުގެ 12 ވަނަ ދުވަހު އަވަށު އޮފީހުން މައުލޫމާތު ސާފު ކުރަން ޖެހޭ ކަމަށް އެ އޮފީހުން ބުންޏެވެ.
އަދި މި މަހުގެ 16 ވަނަ ދުވަހު އެކަމާ ގުޅޭ ޕްރޮޕޯސަލް އަވަށު އޮފީހަށް ހުށަހަޅާ ގޮތަށް ވެސް ވަނީ ހަމަޖައްސައިފަ އެވެ.