ހިތަދޫގައި މިއަދު ނުރައްކާތެރި ދެ އެކްސިޑެންޓް ހިނގައި ހަތަރު މީހަކަށް އެކިވަރުގެ އަނިޔާވެއްޖެއެވެ.
މިއަދު ހަވީރު 3:30 ހާ އިރު ހިތަދޫ ލިންކް ރޯޑުގައި ހުންނަ އެޕޯލޯ ކުރިމަތިން ދެ ސައިކަލް ޖެހި ހިނގި އެކްސިޑެންޓްގައި އަނިޔާވެފައިވަނީ ހިތަދޫ، އަބަދަށްހިޔާގެ، އަލީ ނަސީރުއަށެވެ.
މިހާދިސާގައި އަލީ ނަސީރުގެ ބޮލަށާއި، ހަށިގަނޑުގެ އެކިތަންތަނަށް އަނިޔާވެފައިވާ ކަމަށް ހިތަދޫ ރީޖަނަލް ހޮސްޕިޓަލުން ބުނެއެވެ.
ހިތަދޫގައި ހިނގި ދެވަނަ އެކްސިޑެންޓް ހިނގާފައިވަނީ މިރޭ 9 ޖަހާކަށް ހާއިރު ހިތަދޫ ކަނީރުމަގާއި، ހުސެއިނީ މަގާއި ގުޅޭ ކަންމަތިންނެވެ.
މައުލޫމާތު ލިބިފައިވާ ގޮތުގައި މިރޭ ހިނގި އެކްސިޑެންޓްގައި އެއް ސައިކަލް ދުއްވަން އިނީ ހިތަދޫ ޗިޅިޔާޖެހިގޭ، މުހައްމަދު އަލީ (މެރޭ)އެވެ. އަނެއް ސައިކަލް ދުއްވި މީހާގެ މައުލޫމާތު އަދި ވަނީ ލިބޭ ގޮތް ނުވެފައެވެ.
މައުލޫމާތު ލިބިފައިވާ ގޮތުގައި މި އެކްސިޑެންޓާއި ގުޅިގެން މުހައްމަދު އަލީގެ އުނަގަނޑުން ތިރި ވާގި ނެތިފައިވާއިރު އޭނާގެ ހާލު ސީރިއަސް އެވެ. ނަމަވެސް ދެވަނަ ސައިކަލް ދުއްވި މީހާއަށް ސީރިއަސް އަނިޔާއެއް ލިބިފައި ނުވެއެވެ.
އައްޑޫގައި ރަސްމީކޮށް ޓްރެފިކް ފުލުހުންގެ ހިދްމަތް މިހާރު ފަށާފައިވާ އިރު، ދުއްވާ އެއްޗެހީގެ ސްޕީޑެއް ބަދަލެއް އަންނަ ތަނެއް ނުފެނެއެވެ.