ބޮލީވުޑްގެ ޒުވާން އެކްޓަރު އިމްރާން ހާންގެ އަންހެން ދަރިފުޅަށް ނަން ދީފި އެވެ.
އިމްރާނާއި އަވަންތިކާ މާލިކަށް ލިބުނު ފުރަތަމަ ދަރިފުޅަށް ކިޔާފައި ވަނީ ދެ މީހުންގެ ނަން އެއްކޮށްލައިގެންނެވެ. އެއީ އިމާރާ މާލިކް ހާނެވެ.
މި މަހުގެ 9 ވަނަ ދުވަހު ވިހޭ ދަރިފުޅަށް ނަން ކީ ނަމަވެސް، ދަރިފުޅުގެ މޫނު ފެންނަ ވަރުގެ އެއްްވެސް ފޮޓޯއެއް މިހާތަނަށް މީޑިއާއަކަށް ތިލައެއް ނުވެ އެވެ.
ަ
އެހެން ނަމަވެސް މުމްބާއީގެ ހޮސްޕިޓަލެއްގައި އަވަންތިކާ ވިހެއުމަށް ފަހު، އިމްރާނާއި ދަރިފުޅާ އެކު، ހޮސްޕިޓަލުން ނިކުންނަނިކޮށް ނަގާފައިވާ ފޮޓޯތަކެއް މީޑިއާގައި އާންމުކޮށްފައިވެ އެެވެ.
އެ ފޮޓޯގައި ކުއްޖާ އޮތީ ވަރަށް ބޮޑަށް ފޮތިގަނޑަކުން ކަވަރުކޮށްފަ އެވެ.
"އައި ހޭޓް ލަވް ސްޓޯރީ"، "ދިއްލީ ބެލީ" އަދި "ވަންސް އަޕޮން އަ ޓައިމް އިން މުމްބާއީ ދޮބާރާ" ފަދަ ފިލްމުތައް ކުޅެފައިވާ އިމްރާނާއި އަވަންތިކާ ކައިވެނި ކުރީ 2011 ގަ އެެވެ.