އައްޑޫގައި މަސައްކަތް ކުރާ ހުރިހާ ފުލުހުންނަށް އަމާޒުކޮށްގެން އެއް ދުވަހުގެ ލީޑަޝިޕް މެނޭޖްމަންޓް ޕްރޮގްރާމެއްގެ ހިންގައިފި އެވެ.
މި މަހުގެ 21 ވަނަ ދުވަހުގެ އައްޑޫ ސިޓީ ކައުންސިލް އިދާރާގެ ކޮންފްރެންސް ހޯލްގައި ބޭއްވި މި ޕްރޮގްރާމަކީ 66 ވަނަ އައިޕީއެސް ޕްރޮބޭޝަނާސް ކޯހުގެ ދެ ހަފްތާގެ ޑިސްޓްރިކް ޕްރެކްޓިކަލް ޓްރެއިންގައި އައްޑޫ ސިޓީ، ހިތަދޫ ޕޮލިސް ސްޓޭޝަންގައި ހަރަކާތް ތެރިވަމުންދާ ސަޖަންޓް މުހައްމަދު އިބްރާހީމް އިސްނަގައިގެން، ސައުުތު ޕޮލިސް ޑިވިޝަން ކޮމާންޑަރު ޗީފް އިންސްޕެކްޓަރު އަހްމަދު ޝިފާންގެ މަޝްވަރާގެ މަތިން ކުރިއަށް ގެންދިޔަ ޕްރޮގްރާމެކެވެ.
މި ޕްރޮގްރާމް ގައި ސެޝަންތައް ނަންގަވައި ދެއްވީ، އޮސްޓްރޭލިޔާގެ ސިޑްނީ ޔުނިވާސިޓީގެ ޕްރޮފެސަރެއް ކަމުގައިވާ މރ. ވޭން ކޮޓޮން އެވެ.
ކޮޓޮންއަކީ މި ވަގުތު ސިޑްނީ ޔުނިވާސިޓީގައި ޕީއެޗްޑީ ހަދަމުންދާ ގާތްގަނޑަކަށް 10 ވަރަކަށް ދަރިވަރުންނާ ޙަވާލުވެގެން އިންޓާންޝިޕް ޕްރޮގްރާމްއެއްގައި ހިތަދޫ ޝަރަފުއްދީން ސްކޫލްގައި މަސައްކަތް ކުރަމުންދާ ޕްރޮފެސަރެކެވެ.
މި ޕްރޮގްރާމްގައި ހިތަދޫ ޕޮލިސް ސްޓޭޝަނާއި ގަން ޕޮލިސް ސްޓޭޝަނާއި ހުޅުމީދޫ ޕޮލިސް ސްޓޭޝަންގެ އިތުރުން އައްޑޫ ސިޓީގައި ހަރަކާތްތެރިވަމުންދާ ސްޕެޝަލިސްޓް އޮޕަރޭޝަން (އެސްއޯ) ގެ ފުލުހުން ވެސް ވަނީ ބައިވެރިވެފަ އެވެ.