އެސްޓިއޯ ގޯދިއްޔާ ފުޓްސަލް ކަޕްގައި ރޭގެ ފުރަތަމަ މެޗް ބޮޑު ތަފާތަކުން ފްރެންޑްސް ކްލަބް ކާމިޔާބް ކޮށްފިއެވެ. މުބާރާތުގައި އަލަށް ބައިވެރިވި އީސްޓޯން އާއި ވާދަކޮށް ފްރެންޑްސް ކްލަބް މޮޅުވީ 7-3 ލަނޑުންނެވެ.
ޕްރެންޑްސް ކްލަބްގެ ލަނޑުތައް ޖަހާދީފައިވަނީ އަބްދުﷲ ރިޒްމީން، ހަސަން ހާޒިގު، މުހައްމަދު ރިއްފަތު، ހުސެއިން އިބްރާހިމް ރަޝީދުއެވެ. އީ ސްޓޯންއަށް ލަނޑު ޖަހާދިނީ ހުސެއިން އަތޫފް އަދި ހަސަން ނޫރިޝް އަދި އަލީ ޒުހައިރުއެވެ. މޮޅު ކުޅުންތެރިއަކަށް ހޮވިފައިވަނީ ފްރެންޑްސް ކްލަބްގެ ހުސެއިން އިބްރާހިމް ރަޝީދުއެވެ.
ރޭ ކުޅުނު ދެވަނަ މެޗްގައި މާކަރީ ޔުނައިޓެޑް އަދި ޓީއެފްޓީ ވޮރިއާސް މެޗް ނިމުނީ 6-1އިން މާކަރީ މޮޅުވެގެންނެވެ. މެޗްގެ ފުރަތަމަ ލަނޑު ޖަހައި ޓީއެފްޓިއަށް ހިތްވަރު ހޯދައިދިނީ އެޓީމްގެ 11 ނަންބަރު ކުޅުންތެރިއާ އިބްރާހިމް އާސިފް (ސިއްޕޭ)އެވެ. ނަމަވެސް ކުޑައިރުކޮޅެެއްގެ ތެރޭ މާކަރީގެ ހައިޝަން ނަޖީބް ލަނޑެއް ޖަހައި މެޗްގެ ނަތީޖާ ހަމަހަމަ ކުރިއެވެ. ފުރަތަމަ ހާފް ނިންމާލީ އަހްމަދު ރިފްޝާންގެ ލަނޑަކާއި އެކު 2-1 ނަތީޖާއަކުން މާކަރީ ކުރީ އޮވެގެންނެވެ.
މާކަރީގެ ތިންވަނަ ލަނޑު ހައިޝަމް ކާމިޔާބްކޮށްދިންއިރު 4 ވަނަ ލަނޑު ކާމިޔާބްކޮށްދިނީ އަހްމަދު ނިޒާމް 5 ވަނަ ލަނޑާއި 6 ވަނަ ލަނޑު ޖަހައިދިނީ އަހްމަދު ރިފްޝާންއެވެ. މެޗްގެ މޮޅު ކުޅުންތެރިއަކަށް ހޮވިފައިވަނީ ހައިޝަމް ނަޖީބްއެވެ.
ރޭގެ ފަހު މެޗްގައި އެފްސީ ރެސްޕެކްޓް އަދި ޔަންގްވަންސް ބައްދަލު ކުރި މެޗް 3-0 ލަނޑުން ކާމިޔާބް ކުރީ އެފްސީ ރެސްޕެކްތްއެވެ. މެޗްގައި ރެސްޕެކްޓަށް ލަނޑު ޖަހައިދިނީ މުހައްމަދު އަޔާޒް އާއި އިބްރާހިމް ޝަފްރާޒްގެ އިތުރުން ހަސަން މިފްރާހްއެވެ. މޮޅު ކުޅުންތެރިއަކަށް ހޮވިފައިވަނީ ރެސްޕެކްޓް ޓީމްގެ އިބްރާހިމް ޝަފްރާޒްއެވެ.
މިރޭވެސް މި މުބާރާތުގެ 3 މެޗް ކުޅޭނެއެވެ.
21:30 – އެފްސީ ޒެފިއާ- އެފްސީ އުސްގަނޑަ
22:30- މަލްޓި ޖީނިއަސް – ބިންގޯ އެފްސީ
23:30- ޒިލޮޓް – ޔުނައިޓެޑް ފްރެންޑްސް