އެސްޓިއޯ ގޯދިއްޔާ ފުޓްސަލް ކަޕްގެ ރޭގެ ފުރަތަމަ މެޗް 2-0 ލަނޑުން އެފްސީ އުސްގަނޑަ ކާމިޔާބް ކޮށްފިއެވެ.
ރޭގެ މެޗްގައި އުސްގަނޑަށް ލަނޑު ޖަހައިދިނީ މުއްދަސިރު އަބްދުﷲ އާއި ރަފާހް އަބްދުﷲ އެވެ. ރޭގެ މެޗުން އެފްސީ ޒެފިއާ ބަލިވުމުން އެޓީމް ވަނީ ކުޅުނު ދެ މެޗުންވެސް ބަލިވެފައެވެ.
ރޭގެ ދެވަނަ މެޗްގައި މަލްޓި ޖީނިއަސް އަދި ބިންގޯ އެފްސީ ބައްދަލު ކުރި މެޗް 2-0 ލަނޑުން ކާމިޔާބް ކުރީ މަލްޓި ޖީނިއަސްގެ ޓީމެވެ. މެޗްގެ ފުރަތަމަ ލަނޑު 7 ވަނަ މިނިޓްގައި ޖަހާދިނީ މުހައްމަދު އަހްމަދުއެވެ. ދެވަނަ ލަނޑު ދެވަނަ ހާފްގައި ޖަހާދިނީ މުހައްމަދު އިންޝާލްއެވެ. މަލްޓި ޖީނިއަސް ވަނި ކުޅުނު ފުރަތަމަ މެޗްގައި ޝަންގްރިއްލާ އަތުން ބަލިވެފައެވެ.
ރޭގެ ފަހު މެޗްގައި ޒެލޮޓް އަދި ޔުނައިޓެޑް ފްރެންޑްސް ބައްދަލު ކުރި މެޗް 1-0ގެ ނަތީޖާއިން ކާމިޔާބް ކުރީ ޔުނައިޓެޑް ފްރެންޑްސް ކްލަބްއެވެ.
މެޗްގެ ހަމައެކަނި ލަނޑު ދެވަނަ ހާފްގައި ޖަހާދިނީ އަހްމަދު އިހްޝާދުއެވެ.
މިރޭ ކުޅޭ މެޗްތައް:
21:30 އެފްއާރްޓީ – ސަދަން ވޮރިއާސް
22:30 ޒިލޯން – އަބާނީ
23:30 ޝަންގްރިއްލާ – ފްރެންޑްސް ކްލަބް