މާލެ ސަރަހައްދުގެ ސްކޫލްތަކުގެ ދަރިވަރުންނަށް ހާއްސަކޮށްގެން ހެލްތު ސްކްރީނުން ޕްރޮގްރާމެއް ފަށައިފި އެވެ.
މި ޕްރޮގްރާމް ކުރިއަށް ގެންދަނީ އެޑިއުކޭޝަން މިނިސްޓްރީ އައިޖީއެމްއެޗް ގުޅިގެންނެވެ.
ސްކޫލް ކުދިންނަށް ކުރިއަށް ގެންދާ މި ހެލްތު ސްކްރީން ޕްރޮގްރާމް ހާއްސަކޮށްފައި ވަނީ ޕްރައިމަރީ ގްރޭޑްތަކުގެ ދަރިވަރުންނަށެވެ. މީގައި އައިޖީއެމްއެޗްގެ ކުޑަކުދިންގެ ބަލިތަކާ ބެހޭ ޑިޕާޓްމެންޓްގެ ޑޮކްޓަރުންނާއި މެޑިކަލް އޮފިސަރުން އަދި އިންޓާންސް އިން ބައިވެރިވެ އެވެ.
"School Health Screening Program" was held for students of Kalaafaanu school, yesterday.
Conducted by Department of Pediatrics of IGMH.– 05/03/2023 pic.twitter.com/S8Ahxyh5Wc
— IGMH (@igmhmv) March 6, 2023
މި ޕްރޮގްރާންގެ ތެރެއިން އިމާދުއްދީން ސްކޫލްގައި ކުރިއަށް ގެންދިޔަ ހަރަކާތުގައި ގްރޭޑް 1 އިން 98 ދަރިވަރަކާއި ގްރޭޑް 4 އިން 95 ދަރިވަރަކާއި އަދި ގްރޭޑް 7 އިން 34 ދަރިވަރެއްގެ ހެލްތު ސްކްރީން ހަދާފައިވެ އެވެ.
We have successfully completed the Health screening of grade 4 students in collaboration with IGMH. 👍👏💚
Thank you @igmhmv @MoEdumv @aisthly @rah8121 pic.twitter.com/092NjikKM8— Kalaafaanu School (@kalaafaanu_mv) March 6, 2023
މި ޕްރޮގްރާމްގައި އައިޖީއެމްއެޗްގެ ފަރާތުން އިސްކޮށް ހުންނެވީ ކުޑަކުދިންގެ ބަލިތަކާއި ބެހޭ ޑިޕާޓްމެންޓްގެ ޑރ. އަޙުމަދު ފައިސަލް އެވެ. އޭނަ ވިދާޅުވި ގޮތުގައި މި ސްކްރީނިން ޕްރޮގްރާމްގެ މައިގަނޑު މަގުސަފަކީ ކުޑަކުދިންގެ މެދުގައި އާންމުކޮށް ފެތުރޭ ސިއްޙީ މައްސަލަތައް ދެނެގަނެ، ދުޅަހެޔޮ މުޖުތަމައުއެއް ބިނާކުރުމަށް އަޅަންޖެހޭ ފިޔަވަޅުތައް ދުރާލައި އެޅުމެވެ.
މިހާރު ކަލާފާނު ސުކޫލުގައި ސްކްރީނިން ޕްރޮގްރާމް ކުރިއަށްދާ އިރު، ގްރޭޑް 4 ގެ ދަރިވަރުންގެ ސްކްރީނިން މިހާރު ވަނީ ނިންމައިފަ އެވެ.