ނިއުމާ މުހައްދާއި އިސްމާއީލް ރަޝީދުގެ އިތުރުން ޖުމައްޔިން ނިމާލް ލީޑް ރޯލް ކުޅޭ "މާޔޫސް" ގެ ޝޫޓިން ނިންމާލައި، ފިލްމުގެ ޕޯސްޓް ޕްރޮޑަކްޝަން މަސައްކަތް ފަަށައިފި އެވެ.
މާލެ އާއި ބ. އަތޮޅުގައި މަންޒަރުތައް ނަގާފައިވާ މި ފިލްމަކީ މި އަހަރު ނިކުތް "އަނިޔާ" އަށް ފަހު ނިއުމާ އާއި ޖުމައްޔިލް އަދި ކޮޕީ އިއްސެ އެއް ފިލްމަކުން ފެންނަ ފުރަތަމަ ފަހަރު ވެސް މެ އެވެ.
"މާޔޫސް" ގެ ޑައިރެކްޓަރަކީ މުޅިން އަލަށް ފިލްމެއް ޑައިރެކްޓް ކުރާ އަޖްނާޒެވެ. ފިލްމުގެ ސްކްރީންޕްލޭ ތައްޔާރުކޮށްފައި ވަނީ ކާމިޔާބު ގިނަ ފިލްމުތަކެއްގެ ސްކްރީން ރައިޓަރު މަހުދީ އަހުމަދެވެ.
"މާޔޫސް" މި އަހަރު ބެލުންތެރިންނާ ހަމައަށް ގެނެސް ދޭން ނިންމާފައިވާ އިރު، ފިލްމުގެ ފުރަތަމަ ޓީޒާ މިހާރު ވަނީ ފޭސްބުކްގައި އާންމުކޮށްފަ އެވެ. ލިންކަކީ ww.facebook.com/maayoos އެވެ.
މި ފިލްމުގައި ކިޔައި ދޭނީ ކައިވެނިކޮށް ދަރިއަކު ވެސް ލިބިފައިވާ އަންހެނަކު، އޭނާ އަށް ވުރެ އުމުރުން ހަގު ޒުވާން ފިރިހެނަކާ އެކު ބާއްވާ ގުޅުމެއްގެ ސަބަބުން އާއިލާއަކަށް ދިމާވާ ހާދިސާތަކެވެ.