ކޯޓަށް ހުށަހެޅިފައިވާ ފަސް މައްސަލައެއްގެ ޝަރީޢަތަށް ހާޒިރު ކުރަން ބޭނުންވެ ހާޒިރު ނުކުރެވިފައިވާ ފޭދޫ މީހަކު ކޯޓަށް ހާޒިރުކޮށް ދިނުން އެދި ފުލުހުންގެ މައްޗަށް ކޮށްފައިވާ ފަސް އަމުރަކާ ގުޅިގެން މިހާތަނަށް ފުލުހުން ކުރި މަސައްކަތުން ހޯދައި ނުފެނިފައިވާތީ އޭނާގެ މަޢުލޫމާތު ޢާންމުކޮށް އިޢުލާނުކޮށްގެން ހޯދަން ފަށައިފި އެވެ.
ކްރިމިނަލް ކޯޓުން ފުލުހުންގެ މައްޗަށް ކޮށްފައިވާ އަމުރާ ގުޅިގެން ހޯދަމުންދަނީ ފޭދޫ، ހަޒާރުމާގެ، މުޙައްމަދު ވަޙީދު، 56، އެވެ.
ވަޙީދަކީ ކްރިމިނަލް ކޯޓަށް ހުށަހެޅިފައިވާ މަނާ ކުރެވިފައިވާ މަސްތުވާ އެއްޗެއް ބޭނުންކުރުމަށްޓަކައި އަތުގައި ބެހެއްޓުމުގެ ކުށުގެ ދެ މައްސަލައަކާ ގުޅިގެން، ޙާޒިރު ކުރަން ބޭނުންވެ ޙާޒިރު ނުކުރެވިފައިވާތީ ފުލުހުންގެ ބަންދުގައި ބަހައްޓައިގެން 2014 ޖުލައި 20 ވަނަ ދުވަހު ކްރިމިނަލް ކޯޓަށް ޙާޒިރުކުރަން ފުލުހުންގެ މައްޗަށް ކޮށްފައިވާ އަމުރަކާ ގުޅިގެން ހޯދާ މީހެކެވެ.
އެހެންވެ އޭނާ އާ ބެހޭ އެއްވެސް މަޢުލޫމާތެއް ލިބިފައިވާ ނަމަ އެމަޢުލޫމާތެއް މޯލްޑިވްސް ޕޮލިސް ސާވިސްގެ ހޮޓްލައިން ނަމްބަރު 3322111 އަށް ނުވަތަ ޕޮލިސް ކަސްޓޯޑިއަލް ޑިޕާޓްމަންޓްގެ ނަމްބަރު 9991442 އަށް ގުޅައި ހިއްސާ ކުރުމަށް ފުލުހުން އެދެ އެވެ.