އައްޑޫން ކުޑަކުއްޖަކު ހިމަބިއްސަށް ޕޮޒިޓިވް ވެއްޖެ އެވެ.
އެޗްޕީއޭ އިން ބުނީ ކުޑަކުއްޖަކު ހިމަބިއްސަށް ޕޮޒިޓިވް ވުމުގެ އިތުރުން މި ބަލީގެ އިތުރު އެއް ކޭސް ދެނެގަނެވި ސާމްޕަލް ނަގައި ޓެސްޓް ހެދުމުގެ މަސައްކަތް ކުރެވެމުންދާ ކަމަށެވެ.
މި ބައްޔަށް ޕޮޒިޓިވްވި ކުއްޖާގެ ކޮންޓެކްޓުން ދެނެގަތުމާއި، ބަލި ޖެހުން ސަބަބު ދެނެގަތުމުގެ މަސައްކަތް އައްޑޫ އިކުއިޓޯރިއަލް ހޮސްޕިޓަލުން މިހާރު ދަނީ ކުރަމުންނެވެ.
މި ބައްޔާއި ގުޅިގެން ވެކްސިން ދޭން ޖެހޭ ފަރާތްތަކަށް ވެކްސިން ދިނުމުގެ މަސައްކަތް ފެށިގެން ދާނެ ކަމަށް އެޗްޕީއޭ އިން ބުނެ އެވެ.
ހިމަބިއްސަކީ ރާއްޖޭން ނައްތާލާފައިވާ ބައްޔެއް ކަމަށްވާއިރު އެޗްޕީއޭ އިން ވަނީ މި ބަލީގެ އެންމެ ކޭހެއް ފެނުނަސް ބެލެވޭނީ އައުޓްބްރޭކެއްގެ ގޮތުގައި ކަމަށް ބުނެފަ އެވެ.
ހިމަބިހީގެ މައިގަނޑު އަލާމާތްތައް:
– ހުން އައުން
– ހަމުގައި ރަތް ބިހިތަކެއް ނެގުން
– ކެއްސުން، އަރިދަފުސް ފޭބުން އަދި ލޯ ރަތްވުން ފަދަ އަލާމާތްތައް ވެސް ބައެއް މީހުންގެ ފަރާތުން ފެނުން އެކަށީގެންވޭ