ކޮވިޑް ޖެހިގެން އެއް އަހަރު ނުވާ ހަ ކުއްޖަކު ހޮސްޕިޓަލުގައި އެޑްމިޓްކޮށްގެން ފަރުވާ ދެމުންދާ ކަމަށް އައިޖީއެމްއެޗްގެ ކުޑަކުދިންގެ ޚާއްސަ ޑޮކްޓަރު، އަޙުމަދު ފައިސަލް ވިދާޅުވެއްޖެ އެވެ.
ޑރ. ފައިސަލް ވިދާޅުވީ އޭގެ ތެރެއިން ބައެއް ކުދިންނަށް ކޮވިޑްގެ ހުމާއެކު ފިޓު ވެސް ޖެހިފައިވާ ކަމަށެވެ.
ކޮވިޑުޖެހިގެން މި ވަގުތު އެނދުމަތިކޮށްފައިތިބީ 1 އަހަރު ނުވާ ،6 👶
ބައެއް ކުދިން ކޮވިޑު ހުމާއެކު ފިޓުޖެހިގެން.ގޭގައި خاص ކޮށް 1 އަހަރު ނުވާކުދިން ތިބިނަމަ، އެ👶ގެ ރައްކަލަކަށް އެންމެން ވެސް ކޮވިޑު ން ރައްކާތެރިވުމަށް ފިޔަވަޅުތައް އަޅުއްވާތި.
💉😷🧼🤲— Ahmed Faisal (@Faisalnaifaru) April 19, 2023
ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ އެންމެ ފަހުގެ ތަފާސްހިސާބުތައް ދައްކާ ގޮތުން ކޮވިޑް މިހާރު އެންމެ ބޮޑަށް އިތުރުވަމުން ދަނީ މާލެ ސަރަހައްދުގަ އެވެ. އެގޮތުން މި މަހުގެ މިހާތަނަށް މުޅި ރާއްޖެ އިން 84 މީހަކު ކޮވިޑަށް ޕޮޒިޓިވް އިރު، އޭގެ ތެރެއިން 73 މީހުންނަކީ މާލެ ސަރަހައްދުގެ މީހުންނެވެ.
މީގެ އިތުރުން ސިނާއީ މަސައްކަތްކުރާ ރަށްތަކުން 11 މީހަކު ވަނީ ޕޮޒިޓިވްވެފައިވާ އިރު، 17 މީހަކަށް ފަރުވާ ދެމުން އަންނަނީ ހޮސްޕިޓަލުގައި އެޑްމިޓްކޮށްގެންނެވެ.
މިދިޔަ މަހުގެ ފަހު ހަފުތާގައި ރާއްޖޭން ކޮވިޑަށް ޕޮޒިޓިވީ 39 މީހެކެވެ.
މި ބަލި މިހާތަނަަށް ރާއްޖޭގެ 185،894 މީހަކަށް ޖެހި، ބަލީގައި 311 މީހަކު މަރުވެފައިވެ އެވެ.