ވ. ކެޔޮދޫގައި މިސްކިތަށް ގެއްލުން ދިން މައްސަލާގައި މީހަކު ހައްޔަރުކޮށްފިއެވެ.
ފުލުހުން ބުނީ އެ ރަށު މިސްކިތު ދޮރުގެ ބިއްލޫރިގަނޑު ތަޅާލި މައްސަލައިގެ ރިޕޯޓް ރޭ ދަންވަރު 12:00 ޖަހަން އުޅެނިކޮށް ލިބުނު ކަމަށާއި އެކަމާ ގުޅިގެން ހައްޔަރުކޮށްފައި ވަނީ 27 އަހަރުގެ ދިވެހި ފިރިހެނެއް ކަމަށެވެ. ހައްޔަރުކޮށްފައިވާ ކަމަށް ފުލުހުން ވިދާޅުވިއެވެ.
ކެޔޮދޫ މިސްކިތަށް ގެއްލުން ދިން މައްސަލާގައި މީހަކު ހައްޔަރުކޮށްފައި މި ވަނީ، މިސްކިތުގައި ހުރި ގިނަ ޢަދަދެއްގެ މުސްހަފުތަކެއްގެ ގަނޑުތަކެއް ވެސް ވީދާލި މައްސަލައެއް ފެންމަތިވެފައި ވަނިކޮށެވެ.
މިދިޔަ އަހަރުގެ އޮކްޓޫބަރު މަހުގެ ތެރޭގައި ވެސް މިސްކިތުގައި ހުރި މުސްހަފުތަކެއްގެ ގަނޑުތަކެއް ވީދާލާފައިވެ އެވެ.