މި އަހަރު ބާއްވާ ރިޔާސީ އިންތިހާބުގައި ވޯޓްލެވޭ މީހުންގެ ލިސްޓް އަންނަ މަހުގެ ތެރޭގައި އާންމު ކުރާނެ ކަމަށް އިލެކްޝަން ކޮމިޝަން (އީސީ) އިން ބުނެފި އެވެ.
އެ ކޮމިޝަނުން ބުނީ އިންތިހާބަށް ވާން ޖެހޭ ތައްޔާރީތައް ވަރަށް ބާރަށް ކުރިއަށްދާ ކަމަށާއި ސެޕްޓެމްބަރު މަހުގެ 9 ވަނަ ދުވަހާ ހަމައަށް ވޯޓް ލުމުގެ ހައްގު ލިބޭ މީހުންގެ ލިސްޓް ތައްޔާރުކުރުމުގެ މަސައްކަތް ވެސް ނިމުކަމާ ގާތަށް ގޮސްފައިވާ ކަމަށެވެ. އެހެންވެ އަމާޒަކީ އަންނަ މަހު ވޯޓާސް ލިސްޓް އާންމު ކުރުން ކަމަށް އިީސީން ބުންޏެވެ.
ވޯޓާސްް ލިސްޓް އާންމުކޮށް އެއަށް ޝަކުވާ ހުށަހެޅުމުގެ ފުރުސަތު އީސީން ދޭނެ އެވެ.
އަންދާޒާކޮށްފއިވާ ގޮތުގައި މި އަހަރުގެ ރިޔާސީ އިންތިހުބުގައި 280،000 އަށް ވުރެ ގިނަ މީހުންނަށް ވޯޓް ލެވޭނެ އެވެ. އެންމެ ފަހުން 2018 ގައި ބޭއްވި ރިޔާސީ އިންތިހާބުގައި ވޯޓްލުމުގެ ހައްގު ލިބުނީ 260،000 މީހުންނަށް ލިބުނެވެ.
މި އަހަރުގެ ރިޔާސީ އިންތިހާބު އޮންނާނީ ސެޕްޓެމްބަރު 9 ގަ އެވެ.