ވ. ކެޔޮދޫ މިސްކިތަކަށް ގެއްލުން ދީގެން ހައްޔަރުކުރި މީހާ ޝަރީއަަތް ނިމެންދެން ބަންދުގައި ބަހައްޓަން އަމުރުކޮށްފި އެވެ.
މިސްކިތުގެ މައި ދޮރުގެ ބިއްލުރީގަނޑު ތަޅާލި މައްސަލާގައި އިއްޔެ ހައްޔަރުކޮށްފައި ވަނީ 27 އަހަރުގެ މީހެކެވެ. އޭނަ ޝަރީއަތް ނިމެންދެން ބަންދުގައި ބަހައްޓަން ކެޔޮދޫ މެޖިސްޓްރޭޓް ކޯޓުން އަމުރުކުރި އިރު، އެ މައްސަލަ ފުލުހުންނަށް ރިޕޯޓްކުރީ ހޯމަ ދުވަހުގެ ރެ އެވެ.
ކެޔޮދޫ މިސްކިތަށް ގެއްލުން ދިން މައްސަލާގައި މީހަކު ހައްޔަރުކޮށްފައި މި ވަނީ، މިސްކިތުގައި ހުރި ގިނަ ޢަދަދެއްގެ މުސްހަފުތަކެއްގެ ގަނޑުތަކެއް ވެސް ވީދާލި މައްސަލައެއް ފެންމަތިވެފައި ވަނިކޮށެވެ.