ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތެއް ކުރާތީ މާލޭގެ ބައެއް ސަރަހައްދުތަކުން ކަރަންޓު ކެނޑިދާނެ ކަމަށް ސްޓެލްކޯއިން ބުނެފިއެވެ.
ސްޓެލްކޯއިން ބުނެފައިވަނީ އެކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތައް މައްޗަންގޮޅީގެ އިސްކަންދަރު މަގާއި، އެނބޫގޯޅި އަދި ގުލާލާ ގޯޅިން މިއަދު މެންދުރު 14:00 އިން 15:00 އަށް ކަރަންޓުގެ ހިދުމަތް މެދުކެނޑުމަކީ އެކަށީގެންވާކަމެއް ކަމަށެވެ.
މީގެއިތުރުން މައްޗަންގޮޅީގެ، ޖޯޝީ ހިނގުމާއި، މަދޮށި ގޯޅި، އަދި ނިކަގަސްމަގާއި، ކުރިކީލަ މަގުން ވެސް މެންދުރު 14:00 އިން 15:00 އަށް ކަރަންޓުގެ ހިދުމަތް މެދުކެނޑުމަކީ އެކަށީގެންވާކަމެއް ކަމަށް ސްޓެލްކޯއިން ބުނެފައިވެއެވެ.
ސްޓެލްކޯއިން ވަނީ މިވަގުތުތަކުގައި ކަރަންޓު ކެނޑުމުން ދިމާވެދާނެ ދަތިތަކަށް ކަސްޓަމަރުންގެ ކިބައިން މާފަށް އެދިފައެވެ. ސްޓެލްކޯއިން އަބަދުވެސް އަންނަނީ އެ ކުންފުނިން ފޯރުކޮށްދޭ ކަރަންޓު ހިދުމަތުގެ ފެންވަރު ރަނގަޅު ކުރުމުގެ މަސައްކަތް ކުރަމުންނެވެ.