މޯލްޑިވްސް މީޑިއާ ކައުންސިލް (އެމްއެމްސީ) އިން ކުރިއަށް ގެންދާ ސްޓޫޑަންޓް ޖާނަލިޒަމް ޕްރޮގްރާމްގެ ގޯލްޑް ސްޕޮންސަރަކަށް ސެޓެލްކޯ ހަމަޖަައްސައިފިއެ ވެ.
އެކަމުގެ އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތުގައި، ސެޓެލްކޯގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު ޝަރީފެވެ. އެމްއެމްސީގެ ފަރާތުން ސޮއިކުރެއްވީ ރައީސް އަހުމަދު މުސަޠަފާ އެވެ.
Our student journalism programme just got a major boost with @STELCOMALDIVES coming on board as our Gold sponsor!
We look forward to empowering young journalists with invaluable opportunities. #StudentJournalism #mediapartnership pic.twitter.com/7HLaq0hhkf
— Maldives Media Council (@mmc_mv) May 3, 2023
އެމްއެމްސީން ކުރިއަށް ގެންދާ ސްޓޫޑަންޓް ޖާނަލިޒަމް ޕްރޮގްރާމަކީ އަލަށް އިންތިހާބުވި ކައުންސިލުން ކަނޑައެޅި ލަނޑުދަނޑިތަކުގެ ތެރެއިން ސްކޫލް ދަރިވަރުން ނޫސްވެރިކަމުގެ ދާއިރާއަށް ޝައުގުވެރިކަން އުފައްދައި، އެ ދާއިރާ އަށް ދަރިވަރުން ނެރުމަށް ހިންގާ ޕްރޮގްރާމެކެވެ.
މި އަހަރުގެ ޖެނުއަރީ މަހު ފެށި އެ ޕްރޮގްރާމް މިހާތަނަށް ތިން ސްކޫލެއްގައި ހިންގައި، 70 އަށް ވުރެ ގިނަ ދަރިވަރުން ތަމްރީނުކޮށްފައިވެ އެވެ. އަދި އަންނަ މަހުގެ ތެރޭގައި ހއ. އަދި ހދ. އަތޮޅުގެ ސްކޫލްތަކަށް ޕްރޮގްރާމް ހިންގުމަށް އަންނަނީ ތައްޔާރުވަމުންނެވެ.