ޕެރަލިމްޕިކުން ރާއްޖެ އަށް ފުރަތަމަ ފަހަރަށް ރަން މެޑެލްއެއް ލިބިއްޖެ އެވެ.
މި ޝަރަފު ރާއްޖެ އަށް ހޯދައި ދިނީ ރާއްޖޭގެ ލޯފަން ޒުވާނެއް ކަމަށްވާ މުހައްމަދު މާޒިން އެވެ.
އިންޑިއާގެ ބެންގަލޫރުގައި މި މަހުގެ 5 ގައި ފަށައި މިއަދު ނިންމައިލާ ދާ ފަސް ވަނަ އިންޑިއަން އޯޕަން ޕެރަ އެތުލެޓިކްސްގެ އިންޓަނޭޝަނަލް ޗެމްޕިއަންޝިޕުގައި ދުވައިގެން މާޒިން ރަން މެޑަކް ހޯދުމާ ގުޅިގެން މޯލްޑިވްސް ޕެރަލިމްޕިކް ކޮމިޓީ އާއި ޔޫތު މިނިސްޓްރީން ވެސް އެއީ ތާރީހީ ވަރަށް ބޮޑު ކާމިޔާބީއެއްގެ ގޮތުގައި ފާހަގަކޮށް މާޒިން އަށް މަރުހަބާ ކިޔާފައިވެ އެވެ.
Al hamdhulillah. The first Paralympic Gold Medal 🥇in the history of Maldives
Congratulations Mohamed Mazin and Hussain Shifaz (Guide Runner) for achieving a 🥇 Medal in T11 100m at the 5th Indian Open Para Athletics International Championship 2023@Paralympics @asianparalympic pic.twitter.com/uMsbqRTCiB
— Maldives Paralympic Committee (@ParalympicMdv) May 5, 2023
މާޒިން ރަން މެޑަލް ހޯދީ ޓީ 11 ކެޓަގަރީގެ 100 މީޓަރު ދުވުމުންނެވެ. އޭނަ ރޭސް ނިންމާފައި ވަނީ 16.39 ސިކުންތުންނެވެ. މާޒިންގެ ގައިޑެއްގެ ގޮތުގައި މުބާރާތުގައި ބައިވެރިވީ ހުސައިން ޝިފާޒެވެ.
މާޒިން އަކީ ރާއްޖޭގެ އެންމެ ކާމިޔާބު ޕެރަ އެތުލީޓެވެ. އޭނާ ވަނީ މީގެ ކުރިން 2019 ގެ އިންޑިއަން އޯޝަން އައިލެންޑް ގޭމްސް (އައިއޯއައިޖީ) ގައި ވާދަކޮށް ރާއްޖެ އަށް ލޯ މެޑަލް ހޯދައި ދީފަ އެވެ.
CONGRATULATIONS 👏👏👏
Mohamed Mazin and Hussain Shifaz (Guide Runner) won Gold Medal in T11 100m at the 5th Indian Open Para Athletics International Championship 2023.
It’s the first Paralympic gold medal in the history of Maldives. @ParalympicMdv pic.twitter.com/APzeokTOsq
— Ministry of Youth,Sports and Community Empowerment (@MoYSCEmv) May 5, 2023
މާޒިން އަކީ ބައިނަލްއަގްވާމީ މުބާރާތްތަކުގައި ރާއްޖެއަށް ކާމިޔާބީ ހޯދައި ދިނުމަށްޓަކައި ގިނަ ތަމްރީންތަކެއް ހަދަމުން އަންނަ އެތުލީޓެކެވެ. މި އަހަރުގެ އައިއޯއައިޖީގައި ވެސް މެޑަލް ހޯދުމަކީ އޭނަގެ ވަރަށް ބޮޑު އުންމީދެކެވެ.
މާޒިން ރަން މެޑެލް ހޯދި އިންޑިއާގެ މުބާރާތަކީ، މި އަހަރުގެ ޖުލައިގައި ފްރާންސްގައި އޮންނަ ވޯލްޑް ޕެރަ އެތުލެޓިކްސް ޗެމްޕިއަންޝިޕާއި، އޮކްޓޫބަރު މަހު ޗައިނާގައި ބާއްވާ ހަވަނަ އޭޝިއަން ޕެރަ ގޭމްސްގެ ކޮލިފައިން އަށް ޕޮއިންޓް ލިބޭ މުބާރާތެކެވެ.