މަސްތުވާތަކެތި ކަމަށް ޝައްކު ކުރެވޭ އެއްޗެއް ސެލޯފިންކޮޅަކާ އެކު ހިތަދޫން މީހަކު ފުލުހުންގެ ބެލުމުގެ ދަށަށް ގެންގޮސްފި އެވެ.
މި މައްސަލާގައި ފުލުހުންގެ ބެލުމުގެ ދަށަށް ގެންގޮސްފައިވަނީ 22 އަހަރުގެ ހިތަދޫ ފިރިހެނެކެވެ. އެކަމަކު އޭނާގެ ނަމެއް ފުލުހުން ހާމައެއް ނުކުރެ އެވެ.
އޭނާ ފުލުހުންގެ ބެލުމުގެ ދަށަށް ގެންގޮސްފައި ވަނީ އިއްޔެ ރޭ 9:50 އެހާކަށްހާ އިރު ސައިކަލެއްގައި ދަނިކޮށެވެ.
މަސްތުވާތަކެތި ކަމަށް ޝައްކު ކުރެވޭ އެެއްޗެއްހުރި ސެލޯފިންކޮޅު ފެނިފައި ވަނީ އޭނާ ފުލުހުންގެ ބެލުމުގެ ދަށަށް ގެނެސް ބަލައި ފާސްކުރަން އުޅުމުން އޭނާގެ އަތުގައި އޮތް ސެލޯފިންކޮޅު ބިންމައްޗަށް ވައްޓާލި ތަނުންނެވެ.
މި މައްސަލަ އައްޑޫ ސިޓީ ހިތަދޫ ޕޮލިސް ސްޓޭޝަނުން އަންނަނީ ތަހުޤީޤް ކުރަމުންނެވެ.