ހުޅުމާލޭގެ ހިޔާ ޓަވަރަކުން ދޫކުރި ދެ އެޕާޓްމަންޓެއް އެއްކުރި މައްސަލާގައި ކުރި ޖޫރިމަނާ އަދިވެސް ނުދައްކާ ކަމަށް އާބަންކޯ އިން ބުނެފި އެވެ.
އެ މައްސަލާގައި ދެ އެޕާޓްމަންޓްގެ ވެރިން ޖޫރިމަނާކުރީ ކޮންމެ މީހަކު 100،00ރ. ދައްކާ ގޮތަށް މިދިޔަ ހުކުރު ދުވަހު އެވެ. އަދޮ ޖޫރިމަނާ ދައްކަން ދިނީ ފަސް ދުވަހުގެ މުހުލަތެކެވެ.
ނަމަވެސް އެ މުހުލަތުގެ ތެރޭގައި ޖޫރިމަނާ ދައްކާފައި ނުވާ ކަމަށް އާބަންކޯ އިން ބުންޏެވެ.
ޖެހިޖެހިގެން އިން ދެ އެޕާޓްމަންޓެއްގެ ފާރެއް ތަޅާލައި ދެ ތަބް އެއްކޮށްލި މައްސަލާގައި 200،000ރ. އިން ޖޫރިމަނާކުރުމުގެ އިތުރަށް އެޕާޓްމަންޓްތައް ދިން އިރު، އެތަން ހުރި ގޮތަށް އިޔާދަކުރަން 10 ދުވަހުގެ މުހުލަތެއް ވެސް އާބަންކޯއިން ދިނެވެ.
އެނގިފައިވާ ގޮތުގައި މީގެ ތެރެއިން އެއް ފްލެޓަކީ ފްލެޓްވެރިންގެ ހައްގުގައި އުފެއްދި "ހިޔާ ޔޫނިއަން" ގައި އިސްކޮށް އުޅޭ މީހެއްގެ ތަނެކެވެ. އަދި އެތަންތަނަށް ކުލި ވެސް ނުދައްކާ ކަމަށްވެ އެވެ.