ދެ މީހުންނާ އެކީ ދަތުރުކުރި ދޯންޏެއް ގެއްލިގެން ހޯދަމުން އަންނަ ކަމަށް އެމްއެންޑީއއެފުން ބުނެފި އެވެ.
އެތަނުން ބުނީ ހިލަވެލި ބަރުކޮށްގެން މާލެ އިން ފުރައިގެން ކ. ގާފަރުގައި މަޑުކުރުމަށްފަހު، އިއްޔެ ހެނދުނު 10:40 އެހާކަށްހާ ގާފަރުން ފުރައިގެން ބ. ދަރަވަންދު އަށް ދަތުރުކުރި "ޖަންބޯ" ދޯނީގެ ޚަބަރެއް ނުވެގެން ދޯނި ހޯދުމުގެ މަސައްކަތް އެމްއެންޑީއެފް މާލެ އޭރިއާ ކޮމާންޑް ކޯސްޓްގާޑް ސެކަންޑް ސްކޮޑްރަން އިން ކުރަމުން އަންނަ ކަމަށެވެ.
އެ ދޯނީގެ ޚަބަރެއް އެންމެ ފަހުން ވެފައިވަނީ މެންދުރު 11:35 އެހާކަށްހާ އިރެވެ. އަދި ދޯނި ހޯދުމުގެ މަސައްކަތް އެމްއެންޑީއެފް މާލެ އޭރިއާ ކޯސްޓްގާޑް ސެކަންޑް ސްކޮޑްރަންއިން އަންނަނީ ކުރަމުންނެވެ.
"ޖަންބޯ" ދޯންޏަކީ ދިގު މިނުގައި 65 ފޫޓު ހުރި ދޯންޏެކެވެ.
އެމްއެންޑީއެފުން އިއްޔެ މެންދުރު ފަހު 1:00 އާއި 1:30 ދެމެދުގެ ވަގުތެއްގައި ދޯންޏާއި ވަައްތަރު ދޯންޏެއްކަމަށް ލަފާކުރެވޭ ދޯންޏެއް ކާށިދޫގެ ހުޅަނގު އުތުރުން ގާތްގަނޑަކަށް 6 މޭލު ބޭރުން ފެނުނު ކަމަށް އެ ސަރަހައްދުން ދަތުރުކުރި ދޯންޏަކުން ރޭގެ ވަގުތެއްގައި ކޯސްޓްގާޑަށް މަޢުލޫމާތު ދިން ކަމަށެވެ.
"ޖަމްބޯ" ދޯނީގެ ޚަބަރެއް ނުވެގެން އެމްއެންޑީއެފް ކޯސްޓްގާޑްގެ މެރިޓައިމް ރެސްކިއު ކޯޑިނޭޝަން ސެންޓަރ (އެމްއާރުސީސީ) ރިޕޯޓްކޮށްފައި ވަނީ އިއްޔެ އިރު އޮއްސުނު ފަހުންނެވެ.