އއ. މަތިވެރި ދާއިރާގެ މަޖިލިސް މެންބަރު ހަސަން ޒަރީރަށް ޙަމަލާދިން މައްސަލައިގައި ދެ މީހަކު ހައްޔަރުކޮށްފި އެވެ.
އޭނަ އަށް ޙަމަލާ ދިނީ މާލޭގެ "ހަބީބީ ކެފޭ އެންޑް ބިސްޓްރޯ" ތެރޭގައި އިންނަވަނިކޮށް މިދިޔަ މަހުގެ ފަހިކޮޅު އެވެ. އެ ހަމަލާއާ ގުޅިގެން ލިބުނު ޒަހަމްތަކަށް ޒަރީރަށް އޭޑީކޭ ހޮސްޕިޓަލުގައި ފަރުވާ ވެސް ދިނެވެ.
އެ މައްސަލައާއި ގުޅިގެން މިދިޔަ ބުރާސްފަތި ދުވަހުގެ ރޭ ކޯޓް އަމުރެއްގެ ދަށުން ހައްޔަރުކުރީ 21 އަހަރާއި 22 އަހަރުގެ މީހެއް ކަމަށާއި އެ މީހުންގެ ބަންދަށް ކޯޓުން 15 ދުވަސް ވެސް ދީފައިވާ ކަމަށް ފުލުހުން ބުންޏެވެ.
މި މައްސަލަ އަންނަނީ އިތުރަށް ތަހުގީގު ކުރަމުންނެވެ.