ހުސްވެފައިވާ އައްޑޫ ސިޓީ ކައުންސިލްގެ ފޭދޫ ދާއިރާގެ ގޮނޑި އަށް، ޕީޕީއެމުން އެކަކަށް ވުރެ ގިނަ ފަރާތްތަކުން ވާދަ ކުރަން ހުށަހަޅައިފި ނަމަ، ކެންޑިޑޭޓަކު ހޮވަން ބާއްވާ ޕްރައިމެރީ މި މަހުގެ 11 ގައި ބާއްވާ ގޮތަށް ހަމަޖައްސައިފި އެވެ.
ޕީޕީއެމުން ވަނީ ކުރިމަތިލުމުގެ ފުރުސަތު މާދަމާގެ ނިޔަލަށް ހުޅުވާލައިފަ އެވެ.
ޕީޕީއެމްގެ ފަރާތުން ފޭދޫ ގޮނޑި އަށް ވާދަ ކުރާނެ ކަމަށް މިހާތަނަށް އިއުލާންކޮށްފައި ވަނީ ފޭދޫ ފަރިމާގޭ އީނާ ނަސީރެވެ. އޭނާއަކީ ޕީޕީއެމްގެ ފޭދޫގެ އިސް ހަރަކާތްތެރިއެކެވެ.
ޕީޕީއެމްގެ އޮފިޝަލަކު މާދަމާގެ ނިޔަލަށް ހުޅުވާލައިފައިވާ ފުރުސަތުގައި އީނާ ނޫން މީހަކު، ކުރިމަތިލާން އެދިފައި ނުވާ ނަމަ ޕްރައިމެރީއެއް ނުބާއްވައި އީނާ އަށް ޕީޕީއެމްގެ ޓިކެޓް ކަށަވަރު ވާނެ ކަަމަށެވެ.
ކައުންސިލް ފޭދޫ ގޮނޑި އަށް އެމްޑީޕީން ފަސް މީހަކު ވާދަ ކުރަން ނިންމާފައިވާތީ. އެ ޕާޓީގެ ޕްރައިމެރީ ހުކުރު ދުވަހު އޮންނާނެ އެވެ.
އިލެކްޝަނުން ބުނީ ފޭދޫ ދާއިރާގެ ބައި އިލެކްޝަން އޮންނާނީ އަންނަ މަހުގެ 20 ގައި ކަމަށެވެ. އަދި އިންތިހާބާ ގުޅޭ ގޮތުން ޝަކުވާ ހުށަހެޅުމުގެ ފުރުސަތު ވެސް މިހާރު ވަނީ ހުޅުވާލައިފަ އެވެ.