އެމްޓީސީސީގެ ރާއްޖެ ޓްރާންސްޕޯޓް ލިންކް (އާރްޓީއެލް) ގެ ފެރީގެ ހިދުމަތާ ގުޅޭ ގޮތުން ސޯޝިއޯ-އިކޮނޮމިކް ދިރާސާއެއް ހަދަން ނިންމައި އެ މަސައްކަތްކޮށް ދޭނެ ބަޔަކު ހޯދަން ޕްލޭނިން މިނިސްޓްރީން އިއުލާންކޮށްފި އެވެ.
އެ މިނިސްޓްރީން ބުނީ މިކަމާ ގުޅޭ ސްޑަޓީ ހަދައިދޭން ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު މި މަހުގެ 22 އާ ހަމައަށް ހުޅުވާލާފައިވާ ކަމަށެވެ. އަދި މިކަމާ ގުޅޭ ގޮތުން ބާއްވާ މައުލޫމާތު ދިނުމުގެ ސެޝަނެއް އަންނަ ބުދަ ދުވަހުގެ ހެނދުނު 11:00 ގައި މިނިސްޓްރީގައި އޮންނާނެ އެވެ.
ޕްލޭނިން މިނިސްޓްރީން ބުނި ގޮތުގައި ބީލަން ހުށަހަޅާ ފަރާތްތަކުން ބީލަމުގެ މުއްދަތަށް ބީލަން ހުޅުވާ ތާރީހުން ފެށިގެން 90 ދުވަސް ވެސް ދޭން ވާނެ ކަމަށެވެ.
With Phase 1 of RTL Ferry completed earlier this year, Phase 2 is currently in the works across regions 2, 5, and 6 ➡️ pic.twitter.com/kiGtb6SKW9
— Government of Maldives (@governmentmv) December 18, 2022
އާރްޓީއެލްގެ ފެރީގެ ހިދުމަތާ ބެހޭ ދިރާސާއެއް ހަދާ އިރު، މި ހިދުމަތުގެ ސަބަބުން ސިއްހީ ހިދުމަތްތައް ހޯދަން ލިބުނު ލުއިތަކާއި ވަޒީފާގެ ފުރުސަތުތައް ފަހިވި މިންވަރާއި ތަައުލީމު ހާސިލު ކުރަން ލިބުނު ފަސޭހަތަކަކީ ކޮބައިތޯ ދެނެގަންނާނެ އެވެ. މީގެ އިތުރުން ލޯކަލް އާރްޓީއެލްގެ ސަބަބުން ޓޫޒިޒަމާއި އެހެނިހެން ވިޔަފާރިތަކަށް ފެރީގެ ނިޒާމުގެ ސަބަބުން ލިބުނު ފައިދާތައް ވެސް ދިރާސާގައި ބަލާނެ އެވެ. އަދި މަސްވެރިކަމާއި ދަނޑުވެރިކަމުގެ ދާއިދާ އަސް ވެސް ލިބުނު ފައިދާތަކަކީ ކޮބައިތޯ ދެނެގަންނާނެ އެވެ.
ޕްލޭނިން މިނިސްޓްރީން ބުނީ މި ދިރާސާ ކުރިއަށް ގެންދާނީ 13 ހަފުތާ އަށް ކަމަށާއި ސެޕްޓެމްބަރު މަހު ދިރާސާގެ ރިޕޯޓް މިނިސްޓްރީއަށް ހުށަހަޅަން ޖެހޭނެ ކަމަށެވެ. އެވެ.
އާރްޓީއެލްގެ ދަށުން އެމްޓީސީސީން އަންނަނީ ރާއްޖޭގެ ބައެއް ހިސާބުތަކުގައި ފެރީ އާއި ބަސް ދަތުރުގެ ހިދުމަތް ދެމުންނެވެ. އަދި މި ހިދުމަތް މުޅި ރާއްޖް އަށް ފުޅާކުރަން އަންނަނީ މަސައްކަތް ކުރެވެމުންނެވެ.