އެމްއެންޑީއެފް ސަދަން އޭރިއާގެ އާ ކޮމާންޑަރު ކާނަލް އަބްދުލްރަހީމް އައްޑޫ ސިޓީ ކައުންސިލާ ބައްދަލު ކުރައްވައިފި އެވެ.
އިއްޔެ މި ބައްދަލުވުން އޮތީ އައްޑޫ ސިޓީ ކައުންސިލް އިދާރާގަ އެވެ.
މި ބައްދަލުވުމުގައި މޭޔަރު އަބްދުﷲ ސޯދިގް (ސޯބެ) އާއި ޑެޕިއުޓީ މޭޔަރު އަބްދުﷲ ތޮއްޔިބް (ޓޮމް) އާއި ހިތަދޫ މެދު ދާއިރާގެ ކައުންސިލަރު ހުސައިން ހިލްމީ އާއި ހިތަދޫ ދެކުނު ދާއިރާގެ ކައުންސިލަރު މުހައްމަދު ޔަސްރިފް ބައިވެރިވަޑައިގެންނެވި އެވެ.
އަބްދުއްރަހީމާ އެކު ސަދަން އޭރިއާގެ އެހެން ބައެއް އިސްވެރިން ކައުންސިލާ އެކު ބޭއްވި ބައްދަލުވުމުގަައި ބައިވެރިވެވަޑައިގެންނެވި އެވެ.
މި ބައްދަލުވުމުގައި ކައުންސިލާއި ސަދަން އޭރިއާ ގުޅިގެން ކުރެވިދާނެ ކަންތައްތަކާ ގުޅޭ ގޮތުން މަަޝްވަރާކޮށް ހިޔާލު ބަދަލުކޮށްފައިވެ އެވެ.
އަދި ދެ ފަރާތުން އެއްބާރުލުން ދީގެން، އައްޑޫގެ ކަންކަމުގައި މަސައްކަތް ކުރުމާ ބެހޭ ގޮތުން ވެސް މަޝްވަރާކޮށްފައިވެ އެވެ.
ކުރިން އެމްއެންޑީއެފްގެ ތަރުޖަމާނެއްގެ ގޮތުގައި ހުންނެވި އަބްދުއްރަހީމް ސަދަން އޭރިއާ އާ ހަވާލުވެވަޑައިގަތީ މިދިޔަ މަހުގެ އެއް ވަނަ ދުވަހު އެވެ.
ކުރިން އެ މަގާމުގައި ހުންނެވީ ކާނަލް ވައިސް ވަހީދެވެ.