ކުށްކުރާ ގޮތްތަކާއި ބޭނުންކުރާ ވަޞީލަތްތައް ބަދަލުވެފައިވާ ކަމަށާއި، ކުށްކުރުން ހުއްޓުވުމަށްޓަކައި ޖިނާއީ ޢަދުލުގެ ނިޒާމުގައި ހިމެނޭ ފަރާތްތަކުން ކުށްވެރީންނާ އަރައިހަމަކުރަންޖެހޭ ކަމަށް ނައިބު ރައީސް ފައިސަލް ނަސީމު ވިދާޅުވެއްޖެ އެވެ.
މިއަދު ޖެން މޯލްޑިވްސްގައި ފެށި "ކްރިމިނަލް ޖަސްޓިސް ސެކްޓަ ހައި ލެވެލް ކޮންފަރެންސް" ފެށުމަށް ބޭއްވި ޖަލްސާ ޝަރަފްވެރިކޮށް ދެއްވައި އެ މަނިކުފާނު ވިދާޅުވީ ކުށުގެ ވެއްޓަށާއި، ކުށްވެރީން ކުށްކުރާ ގޮތްތަކަށް ބަދަލު އައިސްފައިވާކަން ގަބޫލު ކުރަން ޖެހޭ ކަމަށެވެ.
— The President's Office (@presidencymv) May 17, 2023
އެގޮތުން އެކަމަށް އައިސްފައިވާ ބަދަލާ އެއްވަރަށް ޖިނާއީ ޢަދުލުގެ ނިޒާމްގައި ހިމެނޭ އިދާރަތައްވެސް ކުރިއަރައި އަދާހަމަވެފައި ވާންޖެހޭ ކަމަށް ވިދާޅުވި އެވެ. ފައިސަލް ވިދާޅުވީ ޝަރުޢީ ދާއިރާގައި މަސައްކަތް ކުރާ ފަރާތްތަކަށް ބޭނުންވާ ތަމްރީނުތަކާއި ވަޞީލަތްތައް ވެސް ފޯރުވައިދޭން ޖެހޭ ކަމަށެވެ. އަދި ޢަދުލުއިންޞާފު ޤާއިމްކުރުމުގެ ދާއިރާ ތަރައްޤީ ކުރުމަށް މި ސަރުކާރުން ވަރަށް ބޮޑު ސަމާލުކަމެއްދީ ފާއިތުވި ހަތަރު އަހަރުގެ ތެރޭގައި ގިނަ މަސައްކަތްތަކެއް ކޮށްފައިވާ ކަމަށް ވިދާޅި އެވެ.
އެ މަނިކުފާނު ވިދާޚުވީ ޢަދުލުއިންޞާފު ޤާއިމްކުރުމުގެ ދާއިރާގައި ރާއްޖޭގައި ގޮންޖެހުންތަކެއް އެބަހުރި ކަމަށާއި ރާއްޖޭގެ އާބާދީ ކުޑަކަމާއި އެކަކު އަނެކަކާއި ގާތް މުޖުތަމަޢަކަށް ވުމުން ނުކުންނަ މަސައްލަތައް ވެސް ގިނަ ކަމަށެވެ.
Vice President @FaisalNasym attended the Criminal Justice Sector High Level Conference organised by @PGO_MV in partnership with UNICEF and the Government of Australia. pic.twitter.com/JVKP9iVow7
— The President's Office (@presidencymv) May 17, 2023
ނަމަވެސް އިންސާނަކަށް އެންމެ ބޭނުންވާ އެއް ކަމަކީ ޢަދުލު އިންޞާފު ކަމަށާއި އެއީ ކޮންމެ މީހަކަށް ވެސް ލިބިގެންވާ ޙައްޤެއް ކަމަށް ވުމުން އެއީ މީހެއްގެ ހަމުގެ ކުލަޔަކަށް، ނިސްބަތްވާ ރަށަކަށް ނުވަތަ ޤައުމިއްޔަތަކަށް ބަލައި ތަފާތު ކުރެވޭނެ ކަމެއް ނޫން ކަމަށް ވިދާޅުވި އެވެ.
ފައުސަލް ވިދާޅުވީ 2004 ވަނަ އަހަރު ރާއްޖޭގެ މުޅި ޤާނޫނު އަސާސީ އަލުން އިޞްލާޙްކޮށް އެކުލަވާލުމުގެ އެންމެ ބޮޑު މަސައްކަތަކަށްވެފައި އޮތީ މުސްތަޤިއްލު ގޮތެއްގައި ތަޙުޤީޤުތަަކާއި ޝަރީއަތްތައް ހިންގުމަށް މަގުފަހިކޮށް ދިނުމަށް ކަމަށެވެ.