ހިތަދޫ ސްކޫލްގެ މިދިޔަ އަހަރުގެ ސާނަވީ ތައުލީމް ނިންމި ދަރިވަރުންގެ ތެރެއިން އެމްމެ މޮޅު ދަރިވަރަކަށް ގްރޭޑް 10 ބީގެ ދަރިވަރު ހިލްޔާ އިބްރާހިމް ހޮވިއްޖެއެވެ.
ރޭ ހިތަދޫ ސްކޫލްގައި ބޭއްވި އިނާމު ދިނުމުގެ ރަސްމިއްޔާތުގައި، ހިލްޔާއަށް އިނާމާއި ސަނަދު ހަވާލުކޮށްދެއްވީ ޖަލްސާގެ ޝަރަފްވެރި މެހްމާން އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދުއެވެ.
ރޭގެ ރަސްމިއްޔާތުގައި އޯ ލެވެލްއިން މުޅި ރާއްޖެއިން ގަދަ 10 އެއްގައި ހިމެނުނު އެ ސްކޫލްގެ 7 ދަރިވަރަަކަށް ވަނީ އިނާމް އަރުވާފައެވެ. އޭގެ އިތުރުން ސްކޫލްގެ ގަދަ 10 އެއްގައި ހިމެނުނު ދަރިވަރުންވެސް ހިމެނެއެވެ.
މީގެ އިތުރުން ގައުމީ މުބާރާތްތަކުގައި ވަނަ ވަނަ ހޯދި ދަރިވަރުންނާއި، މިދިޔަ އަހަރު ގްރޭޑް ތަކުން ވަކި ވަކި މާއްދާތަކުން މަތީވަނަ ހާސިލް ކުރި ކުދިންނަށް ވަނީ އިނާމް ހަވާލުކޮށްފައެވެ.
ރޭގެ ރަސްމިއްޔާތުގައި ޝަރަފްވެރި މެހްމާން ޑރ. ޝަހީމް ވަނީ ތައުލީމްގެ ބިންގާ ފެށިގެން އައީ އިސްލާމީ ހަޟާރަތުގެ ތެރެއިން ކަމަށެވެ. އަދި މިއަދު ރަމްވަނަ ހާސިލް ކުރި ކުދިންގެ ކާމިޔާބީގެ ސިއްރަކީ އެކުދިންނާއި، އެކުދިންގެ ބެލެނިވެރިން ކުރި ބުރަ މަސައްކަތް ކަން ފާހަނގަކޮށް ބެލެނިވެރިންނާއި، ދަރިވަރުންނަށް ޝުކުރު ދެންނެވިއެވެ.