ހެލްތު މިނިސްޓަރު ކަމަސް މިހާރު އައްޔަން ކުރައްވާފައިވާ ޑރ. މަރިޔަމް ޝަކީލާއަށް ރުހުން ދިނުން ރައްޔިތުންގެ މަޖްލިސްގެ މާދަމާގެ ޖަލްސާއަށް ތާވަލްކޮށްފިއެވެ.
ޝަކީލާއަށް ރުހުން އޮތްތޯ ބެލުމަށް މާދަމާ ވޯޓަށް އެހުމުގެ ކުރިން ޕީޕީއެމްގެ ޕާލިމެންޓްރީ ގްރޫޕުގައި ސިއްރު ވޯޓެއް ނެގުމަށްވަނީ ނިންމާފައެވެ.
ރައީސް ޔާމީން ސަރުކާރުގައި މިވަގުތު ހިމެނި ވަޑައިގަންނަވާ އައްޑޫއަށް ނިސްބަތްވާ ދެ މިނިސްޓަރުންގެ ތެރެއިން ޝަކީލާއަށް ރުހުން ލިބޭނެތޯވަނީ ސުވާލު އުފެދިފައެވެ.
ރާއްޖޭގައި އެންމެ ބޮއްސުންލާފައިވާ ހެލްތު ދާއިރާ އިސްލާހް ކުރުމަށް ޝަކީލާއަށް ލިބިވަޑައިގެންނެވ 8 މަސް ދުވަހުގެ ތެރޭގައި އެދާއިރާއަށް ކުރިއެރުމެއް ލިބިފައިވާ ނުވާތީ އެތައް ބަޔަކު ވަނީ ޝަކީލާގެ އިސްތިއުފާއަށް ގޮވާފައެވެ.
ޝަކީލާއަށް މަޖްލިސްގެ ރުހުން ނުލިބިއްޖެނަމަ އެކަމަނާ ވެގެންދާނީ ވެރިކަންކުރާ ޕާޓީގެ އައްލަބިއްޔަތު އޮވެ މިނިސްޓަރުކަން ނުލިބުނު ފުރަތަމަ މިނިސްޓަރަށެވެ.
މާދަމާއަށް ޝަކީލާއަށް ރުހުން ދިނުން ތާވަލްކޮށްފައިވާއިރު އެކަމަނާ އަމިއްލައަށް އިސްތިއުފާ ނުދޭނެކަމަށް ބައެއް ސިޔާސީ ފަރާތްތަކުން ދަނީ ބުނަމުންނެވެ.