މާލެ ސަރަހައްދުގެ 15 ރަށެއްގައި ޒަމާނީ ކުނިކޮށިތަކެއް ހެދުމުގެ މަޝްރޫއެއް ފަށައިފި އެވެ.
މީގެ ދަށުން ތިން ރަށެއްގެ ކުނިކޮށި ހަދަން އެންވަޔަރަމަންޓް މިނިސްޓްރީން ވަނީ ބަޔަކާ ހަވާލު ވެސް ކޮށްފަ އެވެ. އެގޮތުން ކ. ތުލުސްދު އާއި ހުރާގެ އިތުރުން ހިންމަފުށީގެ ކުނިކޮށީގެ މަސައްކަތް އިއްޔެ ހަވާލުކޮށްފައި ވަނީ ސެންޓްރަލް ލައިން ޕްރައިވެޓް ލިމިޓެޑް ކިޔާ ކުންފުންޏަކާ އެވެ.
With support from the ADB, and as part of the "Greater Malé Environmental Improvement and Waste Management Project," we have today signed with the Lot 1 contractor – Central Line Pvt. Ltd. to construct new IWMCs in K. Thulusdhoo, K. Huraa, and K. Himmafushi island. pic.twitter.com/AfHauuuyCK
— Min. of Environment, Climate Change and Technology (@MoEnvmv) May 17, 2023
އެ ކުންފުންޏާ ތިން ރަށުގެ މަސައްކަތް ހަވާލުކުރީ މަސައްކަތް ފަށާތާ ހަ މަސްތެރޭގައި ނިންމާ ގޮތަށެވެ. އެގޮތުން ހުރާގެ ކުނިކޮށި ހަދަން 3.26 މިލިއަން ރުފިޔާ ކަނޑައަޅާފައިވާ އިރު، ހިންމަފުށީގެ ކުނިކޮށި ހަދަން 3.52 މިލިއަން ރުފިޔާ އަދި ތުލުސްދޫ ކުނިކޮށީ ހަދަން 3.51 މިލިއަން ރުފިޔާ ކަނޑައަޅާފައިވެ އެވެ.
އެންވަޔަރަމަންޓް މިނިސްޓްރީން ބުނި ގޮތުގައި މާލެ ސަރަހައްދުގެ 15 ރަށެއްގެ ކުނިކޮށި ޒަމާނީ ފެންވަރަށް ހަދަން ކުރިއަށް ގެންދާ މަޝްރޫއަކީ އޭޝިއަން ޑިވެލޮޕްމަންޓް ބޭންކް (އޭޑީބީ) އާއި ސަރުކާރުން ޚަރަދުކޮށްގެން ހިންގާ މަޝްރޫއެކެވެ.