ސަރުކާރުގެ މަސް ކުންފުނި، މިފްކޯ އަށް އަލައި ގެނައި މަސްކިރާ ބޯޓް، "ޖަޒީރާ 103" އިން މަސްކިރަން ފަށައިފި އެވެ.
އެކަން ފެށމުގެ ގޮތުން އިއްޔެ ހަވީރު ގދ. ފަރެސްމާތޮޑާގައި ހާއްސަ ރަސްމިއްޔާތެއް ވެސް ބޭއްވި އެވެ. އެ ރަަސްމިއްޔާތު ޝަރަފުވެރިކޮށްދެއްވީ ފިނޭންސް މިނިސްޓަރު އިބްރާހިމް އަމީރެވެ. މީގެ އިތުރުން ރަސްމިއްޔާތުގައި ފިޝަރީޒް މިނިސްޓަރު ޑރ. ހުސެއިން ރަޝީދު ހަސަން އާއި މިފްކޯގެ ސީއީއޯ އިސްމާއިލް ފައުޒީ އަދި އެެސްޓީއޯގެ މެނޭޖިން ޑިރެކްޓަރު އަބްދުﷲ ސައީދު ވެސް ބައިވެރިވެވަޑައިގެންނެވި އެވެ.
ޖަޒީރާ 103 އަށް މަސްކިރަން ފެށުން ފޮޓޯތަކުން pic.twitter.com/84XGV92MUj
— MIFCO (@mifcomv) May 18, 2023
ފައުޒީ ވިދާޅުވީ އާ ބޯޓަކީ ދެކުނުގެ މަސްވެރިންނަށް ދިމާވެފައިވާ މަސްކިރުިމުގެ ދަތިކަމަށް ހައްލެއް ހޯދައި ދޭން ގެނެސް ބޭނުން ކުރަން ފެށި ބޯޓެއް ކަމަށެވެ. އަދި މިއީ މިފްކޯގެ ކެޕޭސިޓީ އިތުރުކުމަށް ގެންނަން ނިންމާފައ އޮތް ހަތަރު ބޯޓުގެ ތެރެއިން ފުރަތަމަ ބޯޓެވެ.
ޖަޒީރާ 103 އަށް މަސްކިރަން ފެށުން ފޮޓޯތަކުން pic.twitter.com/84XGV92MUj
— MIFCO (@mifcomv) May 18, 2023
"ޖަޒީެޤ 103" އާ އެކީ މިފްކޯގެ މަސްގަންނަ ކެޕޭސިޓީ ވަނީ 5،027 ޓަނަށް އަރައިފަ އެވެ. އަދި މި ބޯޓަކީ އޭގެ ދެ ފަރާތުން އެއްފަހަރާ މަސް ކިރޭ ގޮތަށް ދެ ކެރޭނު ހަރުކޮށްފައިވާ ބޯޓެކެވެ. އެގޮތުން ބޯޓުން ދުވާލަކު 120 މެޓްރިކް ޓަނުގެ މަސް ގަނެ، ފިނިކުރެވޭ އެވެ. މީގައި ޖުމްލަ 420 މެޓްރިކް ޓަނުގެ މަސް ރައްކާ ކުރެވޭނެ އެވެ.